Horiso 72:2 - Sơ̆p Hlabơar Nơ̆r 'Bok Kei-Dei

² Sư gô sek tơlang kon pơlei Ih tơpăt hơnơ̆ng. Sek lu bơngai dơnuh hin trŏ tơpăt.

Horiso 72:2 Referans Kwoze

Êsai 32:1

'Nâu gô đei minh 'nu pơtao pơgơ̆r 'lơ̆ng tơpăt, lu kră pơgơ̆r gô wei-lăng tơpăt hơnơ̆ng.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Êsai 32:17

Tơdrong jang 'lơ̆ng tơpăt gô jing tơdrong hiôk-hian, plei tơdrong 'lơ̆ng tơpăt gô đei hiôk hơđơ̆ng ling-lang.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

Tơdrông Pơđơk 29:14

Pơtao ayơ sek tơlang tơpăt kơ bơngai dơnuh hin. Tang-dŏ pơtao sư gô oei kơjăp ling-lang.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.