Horiso 72:16 - Sơ̆p Hlabơar Nơ̆r 'Bok Kei-Dei

¹⁶ Ăn kơ đei 'ba hơbŏ rơkah rơkai tơ kơpal teh păng 'bĕnh tơ kơpal kông; plei 'long sa lơlap thoi bri tơ char Liban. Ăn kơ kon pơlei oei lăm pơlei tih gô hrôh ngôh thoi 'nhĕt tơ mir.

Horiso 72:16 Referans Kwoze

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.

Jang 4:4

Mă-lei đơ̆ng Pêtrôs păng Yôhan bơtho ei đei lơ 'nu bơngai lui kiơ̆ kơ Yêsu. Na jô̆ đơ̆ng Yêsu tŏk tơ plĕnh truh tơ đe rôp bre sư, gah drŏ-nglo đĕch đei pơđăm-rơbâu 'nu bơngai lui kiơ̆ kơ Yêsu boih.

Jang 2:41

Thoi noh lu bơngai mă iŏk nơ̆r bơtho 'noh, lu sư iŏk 'batem. Lăm năr 'nei đei dang pêng-rơbâu 'nu bơngai mơ̆t tơ lu bơngai lui.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Je 33:22

Inh gô ăn kơ adrĕch Đawit, đĭch đam Inh păng ăn kơ lu bơngai Lêwi jang kơ Inh, Inh gô ăn kơ adrĕch adrung sư lơ thoi sơnglŏng kơpal plĕnh, thoi chuơh cheng đak dơsĭ ưh kơ đei bu kĕ jô̆.”

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 32:20

Pŭn dêh kơ lu iĕm rei adrĕch jê̆ tơter đak, achăng rơmo aseh chă sa mơ̆ng kơ wă.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Êsai 29:17

Hăm trŏ Pă 'biơ̆ kơ âu Liban gô jing chŭn mir teh mơ̆r 'lơ̆ng, păng chŭn teh mơ̆r 'lơ̆ng noh gô jing thoi bri brah?

Horiso 104:16

Lu tơm 'long Kră Yang đei ruh hơiuh đĭ-đăng 'long hơngo char Liban đêl Sư pơtăm.

Horiso 72:6

Pơtao gô jur thoi 'mi jruh tơ kơpal mir nhen thoi 'mi tih jruh hơiuh tơ teh.

Jop 8:7

Dang ei ih oei iĕ, dôm tơmam ih đei sơ̆ oei tŏ sĕt, mă-lei ning-mônh ih gô mơdrŏng tih tơpă.

Jop 5:25

Ih gô 'bôh adrĕch adrung kon sâu lơ kơdrơ̆m, kon sâu ih lơ thoi 'nhĕt kơpal teh.

I Pot 4:20

Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.