Horiso 71:20 - Sơ̆p Hlabơar Nơ̆r 'Bok Kei-Dei

²⁰ Ih đei ăn boih kơ inh tơdrong gleh pơmat krưp: Ih gô pơrih inh păng pôk hơtŏk inh đơ̆ng sơlŭng jrŭ lăm teh đak.

Horiso 71:20 Referans Kwoze

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

Horiso 60:3

Ih pơm boih kơ lu kon pơlei 'bôh tơdrong pơmat. Ăn kơ lu nhôn et sik, suai wing măt.

Horiso 86:13

Yua kơ tơdrong Ih 'mêm kơ inh tih tơpă. Ih dŏng pơklaih inh đơ̆ng jrŭ lăm dêh atâu.

Horiso 80:18

Na lu nhôn pă đei tơklah đơ̆ng Ih dơ̆ng; Apinh Ih ăn kơ lu nhôn arih dơ̆ng. Kơna lu nhôn gô krao apinh hăm anăn Ih.

Jôna 2:6

Inh jur truh tơ tôch jơ̆ng kông lăm đak dơsĭ, teh sư chơkăl găn lê̆ inh ling-lang. Ơ Kră Yang inh, mă-lei Ih hơtŏk boih tơdrong arih inh klaih đơ̆ng sơlŭng jrŭ.

Horiso 119:25

Bơhngol inh klep lăm 'mui teh. Tơiung pơrih inh dơ̆ng. Kiơ̆ kơ nơ̆r Ih.

Horiso 16:10

Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

Êphêsô 4:9

Bơ̆n băt kơ Sư tŏk tơ plĕnh boih, bơ̆n kư̆m băt mơ̆n Sư jur sơ̆ truh tơ dêh atâu sŭng, wă khan adrol kơ Sư tŏk tơ plĕnh.

Markôs 15:34

Lăp pêng jơ kơsơ̆ Yêsu pơma 'bơ̆r re khan: “Êli, Êli, lamma sabatthani” wă khan: “Ơ 'Bok Kei-Dei, ơ 'Bok Kei-Dei, yua kơ kiơ Ih achăng lê̆ Inh?”

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Horiso 85:6

Ih ưh pă tơiung lu nhôn dơ̆ng boih hă? Wă kơ kon pơlei Ih chơt hiôk lăm Ih?

II Sam 12:11

Kră Yang khan: “Inh gô pơm đơ̆ng kơdih hnam dơnŏ ih iung blah pơm kơ ih, 'bơ̆t tơm măt ih; Inh gô rôp lu akăn ih pơjao ăn kơ minh 'nu bơngai jê̆ ih, sư gô pơ'brơh kơ lu akăn ih 'bơ̆t hơdah kơ'năr 'bơ̆t anăp lơ bơngai.

Jang 2:24

Mă-lei 'Bok Kei-Dei kuă ăn Sư lôch răm na pơklaih Sư đơ̆ng tơdrong 'noh, ăn Sư iung arih dơ̆ng, yua kơ Sư ưh kơ đei lôch ling-lang ôh. Đe ưh kơ gơh rôp pơkơ̆ng Sư lăm tơdrong lôch ôh.

I Sam 2:6

Kră Yang ăn lôch păng ăn arih; Sư tơhuŏng bơngai lăm pơlei bơngai lôch păng gô tơiung hơtŏk arih dơ̆ng.

Horiso 60:5

Wă kơ bơngai bu mă Ih 'mêm gơh klaih hlôi. Apinh Kră Yang yua ti 'ma Ih pơklaih păng tơl tơwih kơ nhôn.

Horiso 95:4

Đĭ-đăng sơlŭng jrŭb tơ lăm teh tơ lăm ti Sư, Dôm lu wĕch kông kư̆m gah Sư.