Biblia Todo Logo
Bib sou entènèt

- Piblisite -




Horiso 7:9 - Sơ̆p Hlabơar Nơ̆r 'Bok Kei-Dei

9 Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Gade chapit la Kopi




Horiso 7:9
36 Referans Kwoze  

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.


Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.


Ơ Kră Yang Tih Hloh! Ih boih Tơ'ngla pơlong lăng lu bơngai tơpăt, lăng 'bôh đĭ lăm jơhngơ̆m klơm klak lăm kơ̆l 'ngok, Ăn bĕ kơ inh 'bôh tơdrong Ih wă pơm 'mong kơ lu sư, Yua kơ inh jao boih tơdrong inh kơ Ih.


Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.


Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.


Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.


Ơ Kră Yang, Ih đei lăng lăng inh boih păng băt kơ inh.


Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.


Kră Yang wei kơjăp boih rim yak, Păng Sư lăp đon kơ trong lu sư:


Ơ Kră Yang! Lăng lăng păng pơlong lăng inh. Lăng năng jơhngơ̆m inh păng đon inh tơchĕng


Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.


Gơ̆ bĕ kơkŏng ti lu bơngai kơnê̆, păng pơrăm tơdrong kơnê̆ lu bơngai yoch, dĭng pă 'bôh 'bơ̆t anăp Ih.


Bơnê kơ 'Bok Kei-Dei, Sư boih gơh tơgŭm iĕm lui kơjăp, inh bơtho iĕm tơdrong 'nao 'lơ̆ng Yêsu Krist wă kơ iĕm băt Sư gơh ăn kơ iĕm lui kơjăp. Tơdrong Yêsu Krist âu lu kră sơ̆ ưh tam kơtơ̆ng ôh.


Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b


Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.


Ơ Kră Yang 'Bok Kei-Dei, apinh ih gơ̆ lê̆ hơnĕnh đơ̆ng 'bơ̆r lu sư. Ơ Kră Yang, apinh gơ̆ lê̆ grĕng dăm-brang mơlôh.


Wă pơm tơdrong tơpăt kơ lu mơti kơ 'bă păng lu bơngai mă đe pơjuă pơđep. Wă kơ lu kon bơngai mă lĕch đơ̆ng 'mui teh, ưh pă pơm tơhli băl dơ̆ng.


Sư gô pơjing anih kơđông pơtao sư tơ tŏk-bŏk đak dơsĭ păng kông rơgoh ư-ang. Mă-lei sư gô truh năr tôch kơ sư kơdih păng ưh kơ đei bu mă tơgŭm sư.


Sư dui hơtŏk inh đơ̆ng sơlŭng hli krưp. Pơklaih đơ̆ng hlŭt jrŭ, Sư dan jơ̆ng inh kơpal tơmo, Păng pơm ăn kơ rim yak inh kơjăp hơđơ̆ng.


Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.


Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.


Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.


Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.


Hăm trŏ sư đei khan kơ inh thoi âu: ‘Noh oh drŏ-kăn inh.’ Păng akăn sư khan: ‘Noh 'nhŏng inh?’ Inh pơm tơdrong âu hăm jơhngơ̆m tơpăt păng ti rơgoh.”


apinh Ih đơ̆ng kơpal plĕnh mơ̆ng păng tơl tơwih sek tơlang ăn kơ đĭch đam Ih, apinh Ih pơm plơ̆ kơ lu bơngai kơnê̆, đơ̆ng sư chă trong pơm kơnê̆ tuh plơ̆ tơ kơpal kơ̆l sư, apinh Ih tơgŭm bơngai 'lơ̆ng tơpăt. Ih apah bơnê kiơ̆ kơ tơdrong 'lơ̆ng tơpăt sư pơm.


Kră Yang jơ̆ anih kơ'nơp tih kơ bu mă đe pơjuă pơđep. Minh anih kơ'nơp tih lăm năr đei gleh truh


Yua kơ inh wei răk kiơ̆ trong Kră Yang, Ưh kơ đei pơm kơnê̆ achăng lê̆ Kră Yang 'Bok Kei-Dei inh.


Ơ Kră Yang 'Bok Kei-Dei, jơ̆ Kră Yang inh, hơđơ̆r bĕ, iung bĕ, Dŏng tơgŭm inh, d Păng dŏng bơwei inh.


Ơ Kră Yang 'Bok Kei-Dei! Sek tơlang kơ inh bĕ, Păng dŏng inha đơ̆ng lu kon pơlei ưh kơ lui.b Apinh pơklaih inh đơ̆ng lu bơngai hơlĕnh pơm kơnê̆.


Athei roi bĕ kơ lu dêh char: “Kră Yang pơgơ̆r. Teh đak đei pơjing kơjăp, ưh kơ đei pơpơ̆. Sư gô sek tơlang kơ kon pơlei pơla tơpăt.”


Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.


Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.


Swiv nou:

Piblisite


Piblisite