Horiso 7:6 - Sơ̆p Hlabơar Nơ̆r 'Bok Kei-Dei

⁶ Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 7:6 Referans Kwoze

Horiso 44:23

Ơ Kră Yang, hơđơ̆r bĕ, yua kơ kiơ Ih oei tep? Iung bĕ, 'nĕ kơ achăng lê̆ lu nhôn ling-lang.

Horiso 35:23

Ơ Kră Yang 'Bok Kei-Dei, jơ̆ Kră Yang inh, hơđơ̆r bĕ, iung bĕ, Dŏng tơgŭm inh, d Păng dŏng bơwei inh.

Horiso 3:7

Ơ Kră Yang, iung bĕ; Ơ Kră Yang 'Bok Kei-Dei, pơklaih inh bĕ! Yua kơ Kră Yang tap boih tơ'bŏk lu ayăt kơ inh, Păng gơ̆ lê̆ boih hơnĕnh lu bơngai kơnê̆.

Êsai 33:10

Kră Yang khan: “Dang ei Inh gô iung, dang ei Inh gô pôk hơtŏk, dang ei Inh gô đei tơdrong ư-ang.

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

Horiso 44:26

Apinh Ih, iung na tơgŭm lu nhôn iŏk bĕ tơdrong 'mêm mơnat Ih dŏng pơklaih lu nhôn.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 3:13

Kră Yang iung pơma, Sư iung dơ̆ng sek tơlang kon pơlei.

Horiso 103:6

Kră Yang pơm tơdrong tơpăt, Păng sek trŏ hơnơ̆ng kơ lu bơngai mă gơ̆p pơjuă pơđep.

Horiso 78:65

Đơ̆ng noh Kră Yang hơdơ̆r thoi iung đơ̆ng tep. Thoi bơngai nuih pran jreo tơkĕch đơ̆ng tơdrô pơm.

Horiso 74:3

Apinh Ih yak bĕ tơ anih mă pơrăm noh. Lu ayăt pơrăm lê̆ đĭ boih anih 'lơ̆ng rơgoh.

Horiso 73:20

Ơ Kră Yang nhen thoi apo wă hơđơ̆r 'biao, wă Ih iung Ih hiơt kơ lu sư thoi noh mơ̆n

Horiso 59:5

Ơ Kră Yang Ih boih 'Bok Kei-Dei Tih Hloh, jơ̆ Kră Yang 'Bok Kei-Dei Isơrael. Iung bĕ na phak đĭ kơ teh đak. 'Nĕ kơ mơnat kơ lu bơngai pơm kơnê̆. Sêla

Horiso 35:1

Ơ Kră Yang, pơjah pơjăng bĕ, a hăm lu bơngai pơjah pơjăng hăm inh. Tơblah bĕ hăm lu bơngai tơblah păng inh.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

Horiso 143:3

Lu ayăt druh bơhngol inh, pơjuă bơhlơ̆r tơdrong arih inh tơ teh; Sư ăn kơ inh oei tơ lăm măng mu. Thoi bơngai lôch đĭ đunh boih.