Horiso 7:4 - Sơ̆p Hlabơar Nơ̆r 'Bok Kei-Dei

⁴ Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Horiso 7:4 Referans Kwoze

Horiso 55:20

Lu bơngai noh hiŏng ti pơrăm lu bơngai oei 'lơ̆ng hăm lu sư. Păng plơ̆ plĕch nơ̆r lu sư pơkă.

I Sam 24:7

Đawit khă lu bơngai kiơ̆ sư, 'nĕ kơ pơm kơ akâu Sôl, Sôl iung lĕch đơ̆ng hơgơp tơmo na yak rok trong năm tơ nai.

Tơdrông Pơđơk 17:3

Gŏ pơtŏ rơ̆ hu, lu tơnuh ŭnh 'buh pơlong maih; Mă-lei đei Kră Yang pơlong lăng jơhngơ̆m.

Horiso 109:5

Lu sư pơm tơdrong kơnê̆ tơplih kơ tơdrong 'lơ̆ng inh. Lu sư hil areh tơplih kơ inh 'mêm.

I Sam 26:24

Năr 'nâu inh lăng gĭt kơ tơdrong arih pơtao thoi yơ, na apinh Kră Yang kư̆m gô lăng gĭt kơ tơdrong arih kon thoi ei mơ̆n. Păng dŏng pơklaih kon gơh lĕch hlôi đơ̆ng tơdrong hli pơmat-tat.

I Sam 22:14

Ahimelek tơl pơtao: Na, lăm lu đĭch đam ih, bơngai bu tơnăp dang Đawit. Ih pơk sư pơm ŏng ih, yŏng lu bơngai gak ih păng gơh pơyom hloh kơ đĭ-đăng lăm hnam pơtao ih?

I Sam 20:1

Đawit klĕnh đơ̆ng Naiôt lăm pơlei Rama, năm tơ Jônathan, na apinh Jônathan: Inh đei pơm yoch kiơ, tơdrong kơnê̆ kiơ? Inh pơm tơdrong yoch kiơ hăm 'bă ih, na mă sư chă đon wă pơlôch inh?

Bl 44:4

Kơplah lu sư lĕch hlôi kơ pơlei tam mă ataih, Jôsep khan kơ bơngai wei hnam ei thoi âu: Năm druh kiơ̆ lu sư bĕ, mưh tam boih, ih khan thoi âu: Liơ iĕm pơm kơnê̆ kơ bơngai pơm 'lơ̆ng kơ iĕm, liơ iĕm tơtông iŏk kơchŏk hu yŏng inh?

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.

Bl 44:9

Apinh ih chă tơmam noh tơ lăm 'bi bu bơngai noh athei pơlôch bĕ păng kơdih akâu lu nhôn kư̆m jing đĭch đam ih.

II Sam 16:8

Kră Yang phak e, yua kơ đêl e pơlôch tuh pham lăm adrĕch adrung hnam dơnŏ Sôl. Tơgar iŏk pơm pơtao đơ̆ng Sôl, na dang ei Kră Yang gô pơjao teh đak lăm tơpang ti Apsalôm, kon drŏ-nglo e; păng e gô pŭ tơdrong pơmat-tat, kơlih yua kơ e jơ̆ minh 'nu bơngai pơlôch đe.”

Jop 31:7

Tơdah jơ̆ng inh yak weh đơ̆ng trong 'lơ̆ng tơpăt, Tơdah jơhngơ̆m inh năm kiơ̆ măt inh lăng, Tơdah đei mơgrĭ klep lăm ti inh,

Jop 31:22

Ăn kơ hơngiĕng inh tơhleh đơ̆ng akâu inh, Păng kơkŏng ti inh tơgơ̆ kơtĕch đơ̆ng 'bơ̆t kŭl-keng.

Jang 16:28

Mă-lei Pôl pơma pơret khan kơ sư: “Ih 'nĕ pơrăm kơdih akâu, nhôn oei tôm lăm âu, ưh kơ đei bu hiong ôh.”