Horiso 69:18 - Sơ̆p Hlabơar Nơ̆r 'Bok Kei-Dei

¹⁸ Apinh Ih năm jê̆ inh păng huai iŏk bơhngol inh. Apinh dŏng pơklaih inh đơ̆ng lu bơngai ayăt.

Horiso 69:18 Referans Kwoze

Horiso 111:9

Sư ăn tơdrong dŏng pơklaih kơ kon pơlei pơla Sư. Nơ̆r pơgơ̆p Sư oei oei ling-lang, Anăn Sư 'lơ̆ng rơgoh păng trŏ kơ hli yom.

Horiso 22:19

Mă-lei Ih ơ Kră Yang! 'Nĕ dơ̆ng ataih đơ̆ng inh, Ơ Kră Yang pran kơtang inh! Tĕnh bĕ tơgŭm dŏng inh.

Horiso 22:1

Ơ Kră Yang 'Bok Kei-Dei! Kră Yang 'Bok Kei-Dei ơi! Liơ Ih achăng lê̆ inh? Yua kơ kiơ Ih dơ̆ng tơ ataih, Ưh kơ tơgŭm dŏng inh, ưh kơ mơ̆ng nơ̆r inh ôr krao?

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Horiso 49:15

Mă-lei Kră Yang 'Bok Kei-Dei gô huai iŏk bơhngol inh đơ̆ng dêh atâu.j Yua kơ sư gô sơng iŏk inh. Sêla

Horiso 31:5

Inh jao bơhngol ih lăm ti Kră Yang. Ơ Kră Yang, 'Bok Kei-Dei tơpăt sĭt tơpă. Ih huai iŏk inh boih.

Horiso 10:1

Ơ Kră Yang, yua kơ kiơ Ih dơ̆ng ataih, Kơplah đei tơdrong pơmat-tat liơ Ih ôn akâu?

Jop 6:23

Apinh pơklaih inh đơ̆ng ti lu bơngai ayăt bĕ! Dah khan, huai iŏk inh bĕ đơ̆ng ti lu bơngai pơjuă pơđep inh!”

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!

Horiso 22:12

Đei lơ rơmo bri tơno tăp dăr kơ inh, Lu rơmo tơno pran kơtang đơ̆ng Basan wang tăp kơ inh.

Horiso 22:20

Dŏng pơklaih bơhngol inh đơ̆ng đao gưm. Păng tơdrong arih inh đơ̆ng khŭl kŏ.

Horiso 27:9

Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Nhom 3:57

Năr inh krao Ih, Ih năm jê̆ inh boih, đei khan boih kơ inh: 'Nĕ kơ hli kơ kiơ!