Horiso 69:11 - Sơ̆p Hlabơar Nơ̆r 'Bok Kei-Dei

¹¹ Mă inh iŏk 'bi hrŭk pơm ao tai, Inh jing pơm kơ lu sư hiĕk ăr.

Horiso 69:11 Referans Kwoze

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

I Pot 9:7

lei Inh gô pơpuh tơweh lu sư đơ̆ng dêh char mă Inh ăn bơih kơ lu sư oei; klaih kơ noh inh gô pơrăm hŭt lê̆ Hnam akŭm 'lơ̆ng rơgoh mă Inh 'măn anăn Inh, păng lu bơngai Isơrael đe gô pơrăm che bơle hiĕk achơ̆ kơ lu sư 'bơ̆t anăp kon bơngai lăm teh đak 'nâu.

Jop 17:6

Kră Yang 'Bok Kei-Dei pơm kơ kon pơlei pơla hiĕk ăr kơ inh. Lu sư kơ soh đak hai tơ muh măt inh.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 1:8

Lu iĕm athei nhơ̆m hmoi bĕ thoi minh 'nu adruh 'lơ̆ng hrŭk ao 'bi oei nhơ̆m kơ klo sư mă iŏk đơ̆ng 'lơ̆p lôch boih!

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 20:2

Kơplah noh Kră Yang, khan kơ Êsai kon drŏ-nglo Amôt: “Năm bĕ, plôh lê̆ ao 'bi ih păng plôh lê̆ chơkhŏ đơ̆ng jơ̆ng ih.” Êsai pơm kiơ̆ nơ̆r noh, năm akâu hoh păng yak jơ̆ng hoh.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

Horiso 109:24

Kŭl-tăng inh đĭ rơdu yua kơ ơ̆t kơ sŏng sa. Akâu jăn inh đĭ hơkĕ hơkong.