Horiso 68:34 - Sơ̆p Hlabơar Nơ̆r 'Bok Kei-Dei

³⁴ Athei pôk pơư pơang tơdrong mơsêh Kră Yang 'Bok Kei-Dei. Tơdrong ư-ang krưp rŏ Sư oei tơ kơpal Isơrael păng tơdrong pran kơtang Sư oei tơ lu tăl plĕnh.

Horiso 68:34 Referans Kwoze

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

II Pet 1:17

Kơplah nhôn oei hơdai hăm Sư kơpal kông sơ̆, 'Bă Sư mơsêh mơyang pơma đơ̆ng plĕnh khan: “Sư âu Kon Inh mă 'mêm kơeng tơpă, Inh lăp đon kơ Sư dêh.” Nhôn kơtơ̆ng nơ̆r pơma ư-ang kơ Kon Sư thoi noh tơpă păng nhôn 'bôh 'Bă Sư ăn kơ Sư mơsêh 'lơ̆ng rŏ na nhôn roi kơ iĕm.

Horiso 150:1

Halêluya! Bơnê ư-ang bĕ kơ Kră Yang 'Bok Kei-Dei lăm anih 'lơ̆ng rơgoh Sư! Hơri ư-ang bĕ kơ mơsêh mơyang Sư tơ kơpal plĕnh.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Horiso 29:4

Nơ̆r Kră Yang kơtang tơpă. Nơ̆r Kră Yang đei mơsêh krưp.