Horiso 68:10 - Sơ̆p Hlabơar Nơ̆r 'Bok Kei-Dei

¹⁰ Ơ Kră Yang 'Bok Kei-Dei, khŭl kon pơlei Ih oei tơ noh. Yua kơ Ih đei jơhngơ̆m 'mêm mơnat. Ih hơmet boih tơmam kơ lu bơngai pơmat-tat.

Horiso 68:10 Referans Kwoze

Horiso 74:19

Apinh 'nĕ pơjao tơdrong arih sem kơtơp Ih kơ lu sem bri. 'Nĕ hiơt ling-lang kơ lu bơngai pơmat-tat Ih.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.

Luka 1:53

Sư 'me lu bơngai pơngot rơwĕt tơmam sa 'lơ̆ng, mă-lei lu bơngai mơdrŏng noh Sư tơbrŏk ti hoh đĕch.

Horiso 78:20

To sư teh tơmo, đak bluh lĕch ro hloi, 'bĕnh kơ thong. Mă-lei bĕ tơmam sa Sư ưh kơ gơh ăn kơ bơ̆n hă? Bĕ 'nhĕm kông sư ưh kơ gơh ăn kơ kon pơlei Sư hă?”

Horiso 65:9

Ih wei-lăng teh păng ruh kơ teh hơiuh. Pơm ăn kơ sư đei mơ̆r; glung Kră Yang 'Bok Kei-Dei 'bĕnh kơ đak. Yua kơ Ih pơjing boih teh, chăt Ih ăn 'ba hơ'bo kơ kon bơngai.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

Both 26:5

Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.

Jo 16:3

na khan: Lê̆ pă yua kơ đĭ-đăng khŭl kon pơlei 'lơ̆ng rơgoh ngăl păng Kră Yang oei lăm lu sư. Yua kơ kiơ lu iĕm oei wă pơang kơdih tơ kơpal lu bơngai Kră Yang đei akŭm?

I Pot 8:36

Apinh ih đơ̆ng kơpal plĕnh mơ̆ng nơ̆r lu sư, apinh ih mơnat ăn kơ tơdrong yoch lu sư, đĭch đam Ih lu kon pơlei Isơrael, apinh Ih bơtho pơhrăm lu sư trong 'lơ̆ng wă kơ lu sư rok kiơ̆, ăn kơ lu sư đak 'mi tơ ala teh âu, wă kơ lu sư jang sa đei tôm tơmam.

Horiso 65:10

Ih ruh rim trong lu sư rơuơ pơm ăn kơ teh hơiuh. Ăn 'mi chruh pơm kơ sư rơmuăn păng ăn pŭn kơ tơmam bluh chăt wơ̆.

Horiso 65:11

Ih pơyơ̆l ăn môk pŭn hiôk kơ sơnăm. Rim trong Ih năm tơ noh đei hiôk jơnap.

Êsai 40:29

Sư ăn jơhngơ̆m pran kơ lu bơngai gleh lap, thim ăn jơhngơ̆m pran kơ lu bơngai rơdu.