Horiso 67:3 - Sơ̆p Hlabơar Nơ̆r 'Bok Kei-Dei

³ Ơ Kră Yang 'Bok Kei-Dei ăn kơ kon pơlei kơkuh bơnê kơ Ih! Ăn kơ đĭ-đăng kon bơngai hơri bơnê kơ Ih!

Horiso 67:3 Referans Kwoze

Horiso 74:21

'Nĕ ăn kơ lu bơngai mă đe pơjuă mơlâu. Ăn kơ lu bơngai pơmat-tat păng dơnuh hin băt hơri bơnê kơ anăn Ih

Horiso 67:5

Ơ Kră Yang 'Bok Kei-Dei, ăn kơ kon pơlei kơkuh bơnê kơ Ih! Ăn kơ đĭ-đăng kon bơngai hơri bơnê kơ Ih.

Horiso 142:7

Apinh Ih dui iŏk bơhngol inh đơ̆ng anih phak pơmat. Wă kơ inh bơnê kơ anăn Ih lu bơngai tơpăt gô oei tăp kơ inh. Yua kơ Ih pơm 'lơ̆ng kơ inh.

Horiso 119:175

Ăn kơ bơhngol inh arih. Wă kơ hơri bơnê kơ Ih. Ăn kơ tơdrong juăt Ih tơgŭm inh.

Horiso 45:17

Inh gô tơ'blŏk kơ anăn Ih, kơ rim chăl. Yua kơ thoi noh lu kon pơlei pơla gô bơnê kơ Ih ling-lang ưh kơ tôch.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Mi 5:3

Sư gô dơ̆ng kơjăp păng gô gơnang kơ tơdrong pran kơtang đơ̆ng Kră Yang hăm tơdrong rŏ hơbŏ anăn Kră Yang 'Bok Kei-Dei Sư kơdih păng wei-lăng khŭl Sư kơdih; păng lu sư gô oei rơnŭk, yua kơ kơplah noh gô pơm tih hloh kơ đĭ-đăng bơngai tôch kơ teh.