Horiso 67:2 - Sơ̆p Hlabơar Nơ̆r 'Bok Kei-Dei

² Wă kơ trong Ih đe gơh băt tơ kơpal teh. Păng tơdrong dŏng pơklaih Ih gơh băt tơ jơ̆p lăm lu dêh char.

Horiso 67:2 Referans Kwoze

Tit 2:11

'Bok Kei-Dei khan tơbăt ăn kơ bơ̆n băt kơ Sư 'mêm mơnat kơ bơ̆n tơpă wă pơklaih đĭ-đăng bơngai đơ̆ng tơdrong yoch.

Jang 18:25

Sư pơhrăm tơdrong Kră Yang Yêsu boih păng jơhngơ̆m sư wă tơpă gah bơtho tơdrong Yêsu. Sư bơtho tơdrong Yêsu kư̆m trŏ mơ̆n mă-lei sư băt ưh tam mă tôm ôh. Sư bơtho tơdrong 'batem, sư bơtho kiơ̆ kơ Yôhan đĕch; sư tam mă băt tơdrong 'batem hăm anăn Kră Yang Yêsu Krist.

Luka 3:6

Na đĭ-đăng kon bơngai gô 'bôh tơdrong 'Bok Kei-Dei wă pơklaih bơ̆n đơ̆ng tơdrong yoch tơpă.’ ”

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Horiso 43:5

Ơ bơhngol inh, yua kơ kiơ ih ơh sơ'ngon? Păng rŭng răng lăm akâu inh? Chang hơmĕng bĕ, kơ Kră Yang 'Bok Kei-Dei. Inh oei bơnê kơ Sư, Sư Tơ'ngla dŏng pơklaih inh păng Kră Yang 'Bok Kei-Dei inh.c

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Horiso 117:2

Yua kơ tơdrong Sư 'mêm kơ lu bơ̆n tih dêh. Tơdrong 'lơ̆ng tơpăt Kră Yang oei oei ling-lang, Halêluya!

Jang 22:4

Sơ̆ inh areh kơ lu bơngai lui kơ Yêsu, truh tơ inh rôp pơlôch lu sư. Inh rôp lu bơngai kiơ̆ Yêsu mă drŏ-nglo mă drŏ-kăn, tah hloi lu sư tơ hnam phak.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Horiso 4:7

Kră Yang, Ih ăn boih kơ inh tơdrong chơt hiôk dêh. Hloh kơ lu sư chơt hiôk đei 'ba mi lơ, păng sik đak hơmu rơkah rơkai

Horiso 41:5

Lu bơngai ayăt kơ inh, hiap inh: “Sư gô lôch layơ? Anăn sư gô hiong layơ?”

Da 9:17

Thoi noh dang ei ơ Kră Yang 'Bok Kei-Dei lu nhôn, apinh mơ̆ng bĕ, nơ̆r lu đĭch đam Ih krao apinh, yua kơ Ih, apinh pơdah bĕ muh măt Ih tơ anih rơgoh mă Ih đĭ juơ boih.