Horiso 65:9 - Sơ̆p Hlabơar Nơ̆r 'Bok Kei-Dei

⁹ Ih wei-lăng teh păng ruh kơ teh hơiuh. Pơm ăn kơ sư đei mơ̆r; glung Kră Yang 'Bok Kei-Dei 'bĕnh kơ đak. Yua kơ Ih pơjing boih teh, chăt Ih ăn 'ba hơ'bo kơ kon bơngai.

Horiso 65:9 Referans Kwoze

Horiso 46:4

Đei đak glung krong ro sư wă pơm chơt hiôk ăn kơ pơlei Kră Yang 'Bok Kei-Dei. Jơ̆ anih rơgoh, pơlei mă Kră Yang Tih Hloh oei,

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Je 5:24

Lu sư ưh kơ đei khan ôh lăm jơhngơ̆m lu sư: ‘Lu bơ̆n athei hli yom kơ Kră Yang 'Bok Kei-Dei bơ̆n, Tơ'ngla mă ăn đak 'mi trŏ kơ bơyan sư. Bơyan 'mi păng bơyan puih, Ăn kơ bơ̆n kư̆m oei bơwei năr giĕng lăm bơyan kĕch yuă.’

Ru 1:6

Kơplah noh Naômi kơtơ̆ng khan Kră Yang đei tơgŭm kon pơlei sư, tơmam sa phĭ mah, na sư hăm bre mŏ mai sư iung lĕch đơ̆ng dêh Môap wih brŏk tơ dêh char sư kơdih.

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Horiso 147:14

Sư tơjruh tơdrong hiôk-hian kơ hơdral dêh char ih; Tuh ăn kơ ih đei 'bĕnh blai kơ 'ba mi mă 'lơ̆ng hloh.

Horiso 107:37

Lu sư pơm mir rei adrĕch păng pơtăm tơm hơmu lăm mir chŭn tơm hơmu đei plei lơ.

Horiso 65:11

Ih pơyơ̆l ăn môk pŭn hiôk kơ sơnăm. Rim trong Ih năm tơ noh đei hiôk jơnap.

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Horiso 63:1

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Êsai 41:5

Lu bŏl đak dơsĭ 'bôh păng hli tơrơ, tôch kơ teh đak tơtơ̆ đĭ. Lu sư năm păng năm jê̆.

Da 4:2

Tơdrong hiôk inh na inh wă roi tơbăt ăn kơ lu iĕm, dôm tơdra hlĭch păng tơdrong chrơp mă Kră Yang 'Bok Kei-Dei Tih hloh đei pơm ăn kơ inh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.