Horiso 63:5 - Sơ̆p Hlabơar Nơ̆r 'Bok Kei-Dei

⁵ Bơhngol inh phĭ thoi lĕ sa 'ngăl păng rơmă. 'Bơ̆r inh gô ư-ang hăm hơkŭng hơri bơnê kơ Ih.

Horiso 63:5 Referans Kwoze

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Horiso 43:4

Dang ei inh gô năm truh tơ anih Chơnang soi kơ Kră Yang 'Bok Kei-Dei. Wă khan truh tơ Kră Yang 'Bok Kei-Dei, noh boih tơdrong mă inh chơt hiôk 'nă hal, Ơ Kră Yang, Kră Yang 'Bok Kei-Dei inh, Inh gô iŏk brŏ reh bơnê ư-ang kơ Ih.

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 135:3

Bơnê bĕ kơ Kră Yang, Yua kơ Kră Yang 'lơ̆ng; Hơri bơnê bĕ kơ anăn Kră Yang, yua kơ noh chơt hiôk,

Horiso 71:23

'Bơ̆r păng bơhngol inh mă Ih đei huai iŏk. Gô ôr chơt, mưh inh hơri bơnê kơ Ih.

Horiso 65:4

Pŭn dêh kơ bơngai bu mă Ih đei rơih păng ăn jê̆ Ih. Wă kơ oei tơ cham Ih: Lu nhôn gô phĭ jơnap đei tơmam 'lơ̆ng đơ̆ng hnam Ih.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Hơri Hiôk 1:4

Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 96:6

Tơdrong 'lơ̆ng rŏ păng tơdrong rŏ krưp oei 'bơ̆t anăp Sư. Tơdrong mơsêh păng tơdrong 'lơ̆ng rŏ oei tơ anih rơgoh Sư.

Horiso 104:33

Đĭ chăl arih inh gô hơri bơnê kơ Kră Yang. Inh oei arih dang yơ, inh gô hơri bơnê kơ Kră Yang 'Bok Kei-Dei dang noh;

Horiso 134:2

Yơ̆r bĕ ti iĕm tơ gah anih rơgoh, kơkuh bơnê bĕ kơ Kră Yang!