Horiso 62:6 - Sơ̆p Hlabơar Nơ̆r 'Bok Kei-Dei

⁶ Lăp minh 'nu Sư đĕch mă tơmo inh gơnang, Păng dŏng pơklaih inh, Păng anih kơjăp inh, inh ưh pă pơpơ̆.

Horiso 62:6 Referans Kwoze

Horiso 62:2

Lăp minh 'nu Sư đĕch tơmo pĕng inh, Păng dŏng pơklaih inh, Kơđông kơjăp inh. Inh huay pă pơgơ̆.

Horiso 112:6

Yua kơ bơngai tơpăt sư gô ưh kơ đei tơdrŏ pơpơ̆! Bơngai 'lơ̆ng tơpăt đe gô 'blŏk kơ sư ling-lang hlŏng hloi.

Horiso 16:8

Inh 'măn Kră Yang ling-lang 'bơ̆t anăp inh; Inh ưh kơ đei hli kiơ, yua kơ Sư oei gah 'ma kơ inh.

Tơdrông Pơđơk 10:30

Bơngai tơpăt ưh kơ đei hli kơ kiơ; Mă-lei bơngai kơnê̆ pă gơh oei lăm teh.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Tơdrông Pơđơk 12:7

Đe teh tơhuŏng lu bơngai kơnê̆ lu sư gô ưh pă đei. Mă-lei lu bơngai tơpăt oei kơjăp.

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.