Horiso 62:4 - Sơ̆p Hlabơar Nơ̆r 'Bok Kei-Dei

⁴ Lu sư lăp pơđâu đĕch wă blah lê̆ sư đơ̆ng anih đe pôk sư; Lu sư lăp kơ pơma hơlĕnh, 'bơ̆r lu sư hơpơi pŭn hiôk. Mă-lei lăm jơhngơ̆m hiap pơtê̆. Sêla

Horiso 62:4 Referans Kwoze

Horiso 55:21

'Bơ̆r lu sư pơma rơbơ̆r hloh kơ rơmă. Mă-lei lăm jơhngơ̆m lu sư chă tơdrong tơblah. Nơ̆r lu sư rơngơp hloh kơ rơmă, mă-lei nhen đao toh boih đơ̆ng hơnglop.

Horiso 28:3

'Nĕ kơ lê̆ inh răm hơdai lu bơngai pơm kơnê̆. Păng hăm lu bơngai pơm kư̆ kă. Lu sư pơma hiôk hăm bơngai jê̆ lu sư. Mă-lei lăm jơhngơ̆m hơlĕnh ngăl

Horiso 5:9

Yua kơ lăm 'bơ̆r lu sư ưh kơ đei tơdrong tơpă; Jơhngơ̆m lu sư tă kơnê̆ ngăl. Hơlŏng lu sư thoi bơsat tơpơih Hơpiĕt lu sư 'bĕnh hăm tơdrong pơdăr.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

Horiso 52:3

Ih wă kơ tơdrong kơnê̆ hloh kơ tơdrong 'lơ̆ng, 'Maih pơma hơlĕnh hloh kơ pơma tơpăt Sêla

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Luka 20:20

Lu sư lăng tông Yêsu ling-lang wă chă tơdrong gơh rôp Sư. Lu sư wơh bôl sư năm tơ Yêsu pơm thoi bơngai tơpăt na sư jet pơlong Yêsu. Dah Yêsu pơma khă gah tơdrong juăt teh đak, lu sư wă rôp anhăk pơjao ăn kơ 'bok tih sek tơlang.

Luka 11:39

Na Kră Yang Yêsu khan kơ sư: “Lu iĕm bơngai Pharisi hăt hot kơ ôp pơnhan hăm kơchŏk hơdrol kơ sŏng sa khan trŏ tơdrong juăt 'Bok Kei-Dei pơkă, mă-lei lăm to iĕm 'bĕnh kơ tơdrong 'mê̆-'mach, 'bĕnh kơ tơdrong pơgâm.

Mathiơ 27:1

Lăp 'brưch hơdah til pơgê đĭ-đăng lu 'bok soi tih păng lu đe kră sek tơlang chă đon wă pơlôch Yêsu.

Mathiơ 22:23

Lu bơngai Juđê mơ'nah lui kơ 'Bok Kei-Dei kiơ̆ tơdrong Sađusê. Lu sư khan kon bơngai lôch ưh kơ iung arih dơ̆ng ôh. Lăm năr noh mơ̆n lu sư năm pơjah pơjăng păng Yêsu na lu sư jet Yêsu thoi âu:

Mathiơ 22:15

Yêsu pơma tơdrong 'noh hei đang boih, na lu bơngai Pharisi pơđâu băl, lu sư wă jet pơlong Yêsu pơma hăm trŏ kơ tơdrong juăt dah ưh. Dah ưh kơ trŏ, lu sư wă kêng.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Hôsia 7:3

Lu sư pơm tơdrong yoch wă pơhiôk kơ pơtao, păng yua tơdrong hơlĕnh lu sư pơhiôk lu kră pơgơ̆r.

Tơdrông Pơđơk 13:5

Bơngai tơpăt băt areh kơ nơ̆r hơlĕnh; Bơngai kơnê̆ pơm trŏ kơ mơlâu hlơ̆l lĕm.

Tơdrông Pơđơk 6:17

Măt lăng pơang, Hơpiĕt hơlĕnh pơdăr; Ti 'bet pơlôch bơngai ưh kơ đei yoch;

Horiso 119:163

Inh areh păng krưp dêh, kơ tơdrong hơlĕnh pơdăr. Mă-lei inh 'mêm kơ khôi juăt Ih.

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

Êsai 30:13

Na tơdrong yoch lu iĕm nhen thoi dur kơjung đĭ hơđang pơchah wă jê̆ păk păng gô hơlih răm hĕch hoch, ưh kơ tam băt.