Horiso 61:7 - Sơ̆p Hlabơar Nơ̆r 'Bok Kei-Dei

⁷ Ăn kơ sư pơyơ̆r 'bơ̆t anăp ling-lang hloi.a Apinh Ih ăn tơdrong 'mêm mơnat sĭt, wă kơ wei-lăng sư.

Horiso 61:7 Referans Kwoze

Horiso 40:11

Ơ Kră Yang! 'Nĕ chĭt jơhngơ̆m Ih 'mêm mơnat kơ inh. Apinh tơdrong 'mêm păng mơnat sĭt tơpă Ih wei-lăng inh ling-lang.

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

Horiso 57:3

Sư tơjur ăn đơ̆ng plĕnha tơdrong dŏng pơklaih inh. Sư gô hil chrih kơ lu bơngai pơjuă inh. Sêla Kră Yang 'Bok Kei-Dei gơih ăn tơdrong 'mêm mơnat păng tơdrong tơpăt Sư.

Horiso 41:12

Na, đơ̆ng tơdrong tơpăt inh, Ih tơiung inh, Ăn inh kơjăp 'bơ̆t anăp Ih ling-lang.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

Luka 1:33

Sư gô pơgơ̆r adrĕch adrung kon sâu Jakôp ling-lang ưh kơ đei layơ tôch.”

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Tơdrông Pơđơk 20:28

Tơdrong 'mêm păng tơnăp tơpă mă gơh wei pơtao, Đơ̆ng 'mêm mơnat pơkơ̆ng kơjăp tang-dŏ pơtao sư.

Horiso 43:3

Apinh Ih pơchrang tơdrong hơdah păng tơdrong tơpăt Ih. Chông ba inh, truh tơ kông 'lơ̆ng rơgoh păng anih Ih oei.

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

II Sam 7:26

Hơpơi kơ anăn Ih đei ư-ang ling-lang khŏm khŏm, ‘Kră Yang Tih jơ̆ 'Bok Kei-Dei pơgơ̆r lu bơngai Isơrael,’ hơpơi kơ Ih pơjing kơjăp ăn kơ hnam adrĕch đĭch đam Ih Đawit!

Horiso 21:5

Đơ̆ng tơdrong dŏng pơklaih Ih, sư đei ư-ang tih tơpă: Ih ăn kơ sư tơdrong rang rŏ dêh.