Horiso 59:16 - Sơ̆p Hlabơar Nơ̆r 'Bok Kei-Dei

¹⁶ Mă-lei inh gô hơri bơnê, tơdrong mơsêh Ih Pơgê hrôih drôih hơri re kơ tơdrong Ih 'mêm mơnat; Yua kơ Ih jing anih kơjăp inh kơ'nơp. Minh anih inh kơ'nơp lăm năr đei tơdrong anat anot.

Horiso 59:16 Referans Kwoze

Horiso 21:13

Ơ Kră Yang, anăn Ih ư-ang lăm pran kơtang Ih! Lu nhôn gô hơri bơnê kơkuh tơdrong mơsêh Ih.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Rom 15:9

Sư iŏk tơdrong pơmat-tat noh wă kơ lu bơngai tơmoi khŭl nai ư-ang 'Bok Kei-Dei, yua kơ 'Bok Kei-Dei 'mêm mơnat kơ lu sư mơ̆n. 'Noh kư̆m thoi đe chih roi lăm sơ̆p hla bơar 'Bok Kei-Dei sơ̆ thoi âu: “Inh pơư ang anăn Ih kơ lu bơngai tơmoi mă ưh kơ khŭl Juđê, inh hơri ư-ang kơ Ih.”

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Horiso 143:8

Pơgê hrôih, apinh Ih ăn kơ inh kơtơ̆ng nơ̆r Ih 'mêm mơnat. Yua kơ inh gơnang kơ Ih. Apinh Ih bơtho ăn kơ inh trong wă yak kiơ̆. Yua kơ inh hơtŏk bơhngol inh tơ Ih.

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

Horiso 101:1

Inh gô hơri kơ tơdrong 'mêm mơnat păng tơdrong tơpăt Ih; Ơ Kră Yang, Inh gô hơri bơnê kơ Ih.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Horiso 145:11

Lu sư gô roi tơdrong ư-ang dêh char Ih. Ră roi tơdrong mơsêh Ih.

Horiso 36:5

Ơ Kră Yang, tơdrong 'mêm Ih kơjung tĭk kơ plĕnh Tơdrong tơpăt ih truh tơ hơmơ̆l kok.

Horiso 31:7

Inh gô chơt hiôk păng 'nă hal, Lăm tơdrong Ih 'mêm mơnat. Yua kơ Ih 'bôh boih tơdrong pơmat-tat inh, Băt boih kơ tơdrong bơhngol inh sơ'ngon.

Horiso 4:1

Ơ Kră Yang 'Bok Kei-Dei inh, mă 'lơ̆ng tơpăt, Tơl tơwih nơ̆r inh, dah inh krao khan. Ih pơklaih inh boih, lăm năr inh oei pơmat, Apinh Ih mơnat kơ inh, păng tơl nơ̆r inh krao khan.

Jop 37:23

Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Je 30:7

Ô! Năr noh kơnê̆ krưp tih tơpă, mă ning-mônh kư̆m ưh kơ đei năr kơnê̆ dêh thoi noh. Noh boih năr truh răm kơ Jakôp! Mă-lei Inh gô dŏng lu sư klaih đơ̆ng noh.”

Horiso 89:1

Inh gô hơri bơnê kơ tơdrong 'mêm tih Kră Yang ling-lang; 'Bơ̆r inh gô ră roi tơdrong tơpăt Ih lăm đĭ jơhnơr.

Horiso 88:13

Gah inh ơ Kră Yang! Inh krao apinh Ih Lăp 'brưch pơgê hrôih nơ̆r inh apinh truh boih 'bơ̆t anăp Ih.

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

I Sam 17:37

Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!

Horiso 5:3

Ơ Kră Yang! Pơgê hrôih Ih gô kơtơ̆ng nơ̆r inh; Pơgê hrôih inh gô roi dôm tơdrong kiơ 'bơ̆t anăp Ih păng chang gô.

Horiso 106:8

Mă-lei, Kră Yang oei tơgŭm lu sư, yua kơ anăn Sư. Wă kơ tơ'bôh tơdrong mơsêh pran Sư.

Horiso 86:13

Yua kơ tơdrong Ih 'mêm kơ inh tih tơpă. Ih dŏng pơklaih inh đơ̆ng jrŭ lăm dêh atâu.

II Sam 22:3

Kră Yang 'Bok Kei-Dei jơ̆ kông tơmo anih inh gơnang jơ̆ khêl pĕng inh, hơke dŏng pơklaih inh, hnam Thôt kơjung kơjăp anih inh kơ'nơp; Tơ'ngla dŏng pơklaih! Ih boih dŏng inh đơ̆ng bơngai pơm kơnê̆.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Jop 15:23

Sư hoang tơ âu tơ to wă chă tơmam sa, khan tơmam sa tơ yơ. Sư băt kơ năr tơdrong răm wă jê̆