Horiso 59:13 - Sơ̆p Hlabơar Nơ̆r 'Bok Kei-Dei

¹³ Apinh Kră Yang hil păng pơlôch lu sư, tơpă pơlôch pơrăm đĭ lu sư. Wă kơ lu sư ưh pă đei dơ̆ng; Ăn kơ kon bơngai băt Kră Yang 'Bok Kei-Dei wei-lăng păng pơgơ̆r? Jakôp! Truh tơ tôch teh đak. Sêla

Horiso 59:13 Referans Kwoze

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Êsêkiên 39:7

Inh gô ăn anăn 'lơ̆ng rơgoh Inh tơbăt tơ lăm lu kon pơlei Isơrael Inh păng Inh ưh pă ăn lu sư pơma kơnê̆ kơ anăn 'lơ̆ng rơgoh Inh dơ̆ng. Kơplah noh lu adrĕch adrung gô băt Inh boih Kră Yang, Kră Yang 'Lơ̆ng Rơgoh lăm Isơrael.

Horiso 59:11

Ơ Kră Yang, jơ̆ khêl pĕng dŏng lu nhôn. 'Nĕ kơ pơlôch lu sư, hli kơ kon pơlei pơla hiơt; Yua bĕ tơdrong mơsêh Ih na pơm kơ lu sư tơklah tơklang păng tơhuŏng lu sư.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Êsêkiên 38:23

Na Inh gô pơm pơdah tơdrong krưp 'lơ̆ng rŏ Inh hăm 'lơ̆ng rơgoh Inh kơ lơ adrĕch adrung kon bơngai păng lu sư gô băt Inh boih Kră Yang.

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Horiso 104:35

Ăn kơ lu bơngai yoch lôch hiong đĭ đơ̆ng teh đak. Păng lu bơngai pơm kơnê̆ pă đei dơ̆ng, Ơ bơhngol inh hơri bơnê bĕ kơ Kră Yang: Halêluya!

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

Jo 32:13

Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Horiso 10:7

'Bơ̆r sư 'bĕnh kơ blei hiap, hơlĕnh pơdăr pơjăm pơjuă. Lăm hơpiĕt sư băt pơdăr păng pơm kơnê̆.

Horiso 64:9

Đĭ-đăng kon bơngai gô hli; Lu sư gô ră roi tơdrong Kră Yang 'Bok Kei-Dei pơm boih.

Horiso 109:17

Sư 'maih blei hiap, Thŭ blei hiap plơ̆ tơ lu sư; kư̆m ưh kơ 'maih wă sơkat đei pŭn hiôk; Thŭ tơdrong pŭn hiôk ataih đơ̆ng lu sư.

Tơdrông Pơđơk 12:13

Bơngai pơm kơnê̆ pơm yoch đơ̆ng 'bơ̆r pơma, thoi 'leh hơđong, Lu bơngai tơpăt gô klaih đơ̆ng tơdrong truh.