Horiso 57:4 - Sơ̆p Hlabơar Nơ̆r 'Bok Kei-Dei

⁴ Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Horiso 57:4 Referans Kwoze

Horiso 58:6

Ơ Kră Yang 'Bok Kei-Dei, apinh ih gơ̆ lê̆ hơnĕnh đơ̆ng 'bơ̆r lu sư. Ơ Kră Yang, apinh gơ̆ lê̆ grĕng dăm-brang mơlôh.

Tơdrông Pơđơk 30:14

Đei khŭl bơngai hơnĕnh sư thoi đao gưm. Hơnĕnh tơ'ngam sư thoi săng, Wă luăn sa lu bơngai dơnuh hoh đơ̆ng teh, păng đơ̆ng lăm adrĕch kon bơngai.

Horiso 35:17

Ơ Kră Yang! Ih wă gô lăng dĭng dang yơ? Apinh Ih pơklaih bơhngol inh đơ̆ng lu sư wă pơrăm. Păng dui iŏk tơdrong arih inh đơ̆ng dăm-brang.

Horiso 55:21

'Bơ̆r lu sư pơma rơbơ̆r hloh kơ rơmă. Mă-lei lăm jơhngơ̆m lu sư chă tơdrong tơblah. Nơ̆r lu sư rơngơp hloh kơ rơmă, mă-lei nhen đao toh boih đơ̆ng hơnglop.

Tơdrông Pơđơk 12:18

Bơngai kư̆ kă chă pơma han thoi 'bet klĕch hăm đao. Mă-lei hơpiĕt lu bơngai hơgei đei hơmet klaih.

Horiso 64:3

Lu sư pat hơpiĕt thoi pat đao. Lu sư prah 'brơ̆m wă khan nơ̆r pơma jĭ.

Horiso 52:2

Đĭ năr ih chă pơm kơnê̆. Hơpiĕt thoi săng kôih han ih pơma hơlĕnh.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

Tơdrông Pơđơk 28:15

Bơngai kơnê̆ pơgơ̆r kon pơlei dơnuh hin; Nhen thoi dăm-brang grĕnh gơhuh nhen thoi chơgơu druh sem bri wă rôp sa.

Tơdrông Pơđơk 25:18

Bơngai chă hơlĕnh sơlam kơ rông 'bôt sư. Bơngai noh thoi 'long băl, thoi đao gưm, dah thoi 'brơ̆m suĕng.

Horiso 59:7

To 'bơ̆r lu sư lĕch nơ̆r blei hiap. Hơkŭng lu sư thoi đao. Yua kơ lu sư khan: “Kơbĭ bu kơtơ̆ng.”

Horiso 10:9

Sư ôn lăm anih hlơp thoi dăm-brang oei lăm trôm sơlŭng sư, Sư oei răp wă rôp lu bơngai dơnuh răm. Sư răp bơngai dơnuh răm puh lăm hơnhuăl sư, na rôp hloi lu sư.

Lu 9:20

mă-lei dah ưh, ăn kơ ŭnh đơ̆ng Abimêlek soh sa đĭ lu bơngai lăm pơlei Sichem hăm kon pơlei 'Bet Milơ; păng apinh ŭnh lĕch đơ̆ng lu bơngai pơlei Sichem hăm pơlei Bêt Milô soh Abimêlek.

Jop 41:14

Bu hăm pơ̆n hek 'bơ̆r sư? 'Bĕnh kơ hơnĕnh krưp dêh.

Horiso 43:3

Apinh Ih pơchrang tơdrong hơdah păng tơdrong tơpăt Ih. Chông ba inh, truh tơ kông 'lơ̆ng rơgoh păng anih Ih oei.