Horiso 55:7 - Sơ̆p Hlabơar Nơ̆r 'Bok Kei-Dei

⁷ Tơpă, inh gô kơdâu ôn tơ ataih, na oei tơ lăm char glă. Sêla

Horiso 55:7 Referans Kwoze

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Je 37:12

Jêrêmi wă lĕch đơ̆ng pơlei Jêrusalem yak năm tơ char Bênjamin, wă iŏk klah asong hơnam sư đŏng lăm kon pơlei tơ noh.

II Sam 15:14

Đawit khan hloi hăm lu bơngai bơ̆jang oei hăm sư lăm pơlei Jêrusalem, “lu bơ̆n athei jah iung kơdâu weh bĕ. Tơdah ưh, lu bơ̆n ưh kơ đei bu gơh klaih đơ̆ng Apsalôm pơlôch; năm tĕnh bĕ, kơnh sư druh tam lu bơ̆n, pơrăm lu bơ̆n, păng yua đao pơlôch lu bơngai lăm pơlei.”

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!