Horiso 55:5 - Sơ̆p Hlabơar Nơ̆r 'Bok Kei-Dei

⁵ Tơdrong hli păng tơrơ truh tơ inh. Tơdrong hli krưp kư̆m gom inh.

Horiso 55:5 Referans Kwoze

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Jop 21:6

Layơ inh 'blŏk kơ tơdrong noh, inh hli tơrơ dêh, Akâu akar inh pơpơ̆ tơtơ̆ đĭ.

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Êsai 21:4

Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

Horiso 61:2

Đơ̆ng tôch kơ teh đak, inh gô ôr krao Ih, tơdah jơhngơ̆m inh rơdu boih; Apinh Ih chông ba inh 'bơ̆t tơmo kơjung hloh kơ inh.

Horiso 42:6

Ơ Kră Yang 'Bok Kei-Dei inh! Bơhngol inh rơdu klai lăm ih Na inh 'blŏk kơ Ih. Đơ̆ng char Jôrđăn, Đơ̆ng kơ̆l kông Hermôn păng đơ̆ng groi Misêa.

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

II Sam 15:14

Đawit khan hloi hăm lu bơngai bơ̆jang oei hăm sư lăm pơlei Jêrusalem, “lu bơ̆n athei jah iung kơdâu weh bĕ. Tơdah ưh, lu bơ̆n ưh kơ đei bu gơh klaih đơ̆ng Apsalôm pơlôch; năm tĕnh bĕ, kơnh sư druh tam lu bơ̆n, pơrăm lu bơ̆n, păng yua đao pơlôch lu bơngai lăm pơlei.”

Horiso 18:6

Lăm năr hơnat hơnot inh krao chă Kră Yang. Inh krao apinh Kră Yang 'Bok Kei-Dei inh: Đơ̆ng anih Pơtao Sư, Sư kơtơ̆ng nơ̆r inh, Păng nơ̆r inh krao truh tơ đon Sư.