Horiso 55:19 - Sơ̆p Hlabơar Nơ̆r 'Bok Kei-Dei

¹⁹ Kră Yang 'Bok Kei-Dei, jơ̆ Tơ'ngla đơ̆ng sơ̆. Gô mơ̆ng păng pơm tơwih pơrăm lu sư. Sêla Yua kơ lu sư ưh kơ đei tơplih lăm tơdrong lu sư pơm. Kŭm ưh kơ hli kơ Kră Yang 'Bok Kei-Dei.

Horiso 55:19 Referans Kwoze

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Jêphania 1:12

Lăm kơplah noh, Inh gô iŏk ŭnh kơđeng păng ŭnh hơchô̆ nhơk chơchă lăng Jêrusalem, Inh gô phak lu bơngai pơgŏk et tơdrô lăm anih noh, lu sư khan lăm jơhngơ̆m lu sư thoi âu: ‘Kră Yang ưh pă đei tơjur ăn tơdrong pŭn hiôk, kư̆m ưh pă đei wă tuh tơdrong gleh truh.’

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Je 48:11

Môap juăt kơ oei arih hiôk-hian đơ̆ng sơ̆, thoi sik hơmu oei lăm ge, đe ưh tam đei tuh ôh sư đơ̆ng ge 'nâu tơ ge nai; kư̆m tam đei pơm bơnă; lei na hơkăm sư oei hơnơ̆ng huay kơ sap. Thoi sik hơmu 'bâu phu sư ưh kơ tơplih ôh.”

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Kôlôsê 1:17

Kon Sư đei hơdrol kơ tôm tơdrong, tôm tơdrong noh Sư wei-lăng ngăl.

Êsai 36:20

Lăm lu yang dêh char noh tam đei yang ayơ dŏng pơklaih bơih dêh char sư klaih đơ̆ng ti inh ưh? Na liơ Kră Yang gơh dŏng pơklaih Jêrusalem đơ̆ng ti inh lĕ?

Tơdrông Pơđơk 1:32

Lu bơngai bơlŭk lôch yua kơ lu sư kiơ̆ trong kơnê̆ đŏng đĕo. Păng tơdrong lu sư mă ưh kơ hiơ̆k gô pơrăm lu sư.

Horiso 143:12

Yua kơ tơdrong 'mêm mơnat Ih. Apinh Ih pơlôch pơrăm đĭ bĕ lu ayăt kơ inh, Păng pơrăm lê̆ lu bơngai pơjuă pơđep inh; Yua kơ inh jing đĭch đam Ih.

Horiso 78:59

wă Kră Yang 'Bok Kei-Dei kơtơ̆ng tơdrong noh, Sư blĕk tơpă; Sư hil achăng lê̆ lu bơngai Isơrael hloi;

Horiso 65:5

Ơ Kră Yang 'Bok Kei-Dei Tơ'ngla dŏng pơklaih lu nhôn. Hăm tơdrong trŏ Ih gô tơl tơwih kơ lu nhôn kiơ̆ tơdrong tơpăt. Ih jơ̆ anih lu bơngai đơ̆ng tôch kơ teh đak păng jơ̆p kơpal đak dơsĭ ataih hơđơ̆ng hơmĕng.