Horiso 54:6 - Sơ̆p Hlabơar Nơ̆r 'Bok Kei-Dei

⁶ Ơ Kră Yang, inh gô pơyơ̆r kơ Ih tơmam soi đơ̆ng jơhngơ̆m wă. Kŭm gô hơri bơnê kơ anăn Ih, Yua kơ Anăn Ih 'lơ̆ng rŏ.

Horiso 54:6 Referans Kwoze

Horiso 52:9

Inh gô hơri bơnê kơ Ih ling-lang, yua kơ Ih đei pơm tơdrong noh, Inh gô gơnang kơ Anăn Ih 'bơ̆t anăp lu bơngai lui gơnang kơ Ih,d yua kơ Anăn Ih 'lơ̆ng tơpăt.

Horiso 147:1

Bơnê ư-ang bĕ kơ Kră Yang! Trŏ 'lơ̆ng tơpă. Hiôk hơri bơnê kơ Kră Yang 'Bok Kei-Dei lu bơ̆n; Hiôk dêh tơpă trŏ hơri bơnê kơ Sư.

Horiso 7:17

Inh gô bơnê kơ Kră Yang yua kơ tơdrong 'lơ̆ng tơpăt Sư Inh gô hơri bơnê kơ Anăn Kră Yang, jơ̆ Kră Yang tih hloh.

Horiso 140:13

Lu bơngai tơpăt gô bơnê kơ anăn Ih. Bơngai tơpăt gô oei 'bơ̆t anăp Ih.

Horiso 107:22

Ăn kơ sư pơyơ̆r tơmam soi bơnê iŏk 'bai hơri chơt hiôk na roi pơdah tơdrong jang Sư.

Horiso 116:17

Inh gô pơyơ̆r tơmam soi bơnê kơ Ih Kră Yang. Păng krao apinh hăm anăn Kră Yang.

Horiso 92:1

'Lơ̆ng dêh tơdrong kơkuh bơnê kơ Kră Yang, Păng hơri ư-ang kơ anăn Ih. Ơ Kră Yang Tih Hloh.

Horiso 21:13

Ơ Kră Yang, anăn Ih ư-ang lăm pran kơtang Ih! Lu nhôn gô hơri bơnê kơkuh tơdrong mơsêh Ih.

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Horiso 118:7

Kră Yang oei hơdai inh; dŏng tơgŭm inh. Inh 'bôh lu bơngai areh kơ inh jei inh.

Êsai 50:7

Kră Yang Tih Hloh tơgŭm inh, inh ưh kơ mơlâu ôh. Na inh pơm kơ măt inh lăng tơ anăp, inh băt kơ inh gô ưh kơ đei tơdrong kiơ mơlâu.

Êsai 50:9

Kră Yang Tih Hloh năm tơgŭm inh. Bơngai bu jâu inh khan yoch? Lăng to đĭ-đăng lu sư gô so thoi ao, mă mua reh hiah.