Horiso 52:2 - Sơ̆p Hlabơar Nơ̆r 'Bok Kei-Dei

² Đĭ năr ih chă pơm kơnê̆. Hơpiĕt thoi săng kôih han ih pơma hơlĕnh.

Horiso 52:2 Referans Kwoze

Tơdrông Pơđơk 18:21

Đơ̆ng hơpiĕt gơh pơm kơ bơ̆n arih dah lôch; Bu 'mêm kơ sư gô yua sa đơ̆ng plei noh.

Horiso 57:4

Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Tơdrông Pơđơk 12:18

Bơngai kư̆ kă chă pơma han thoi 'bet klĕch hăm đao. Mă-lei hơpiĕt lu bơngai hơgei đei hơmet klaih.

Horiso 59:7

To 'bơ̆r lu sư lĕch nơ̆r blei hiap. Hơkŭng lu sư thoi đao. Yua kơ lu sư khan: “Kơbĭ bu kơtơ̆ng.”

II Kor 11:13

Iĕm ngêh kơ lu bơngai noh pơm jơ̆ng 'bang Yêsu Krist tơpă hă? Ưh ôh. Lu sư hơlĕnh dêh ưh kơ đei layơ tơpăt, chă pôk pơang pơ'brơh kơ akâu kơdih đĕch khan pơm jơ̆ng 'bang Yêsu Krist.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Jang 24:1

Đơ̆ng rŏng kơ noh pơđăm năr, 'bok soi tơm, anăn sư Anania, năm tơ Pơlei Sêsarê. Kư̆m đei lu kră sek tơlang mơ'nah, hăm minh 'nu bơngai pơma tang lu kră sek tơlang, anăn sư Têtulus, năm hơdai hăm sư mơ̆n. Lu sư ei năm 'bơ̆t anăp 'bok kuan tih Phêlik wă pơma jâu Pôl.

Mathiơ 26:59

Lu 'bok soi tih păng đĭ-đăng lu kră sek tơlang, lu sư chă bơngai mă gơh hơlĕnh, khan sư 'bôh Yêsu pơm yoch, wă kơ lu sư gơh pơlôch Yêsu.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Tơdrông Pơđơk 30:14

Đei khŭl bơngai hơnĕnh sư thoi đao gưm. Hơnĕnh tơ'ngam sư thoi săng, Wă luăn sa lu bơngai dơnuh hoh đơ̆ng teh, păng đơ̆ng lăm adrĕch kon bơngai.

Horiso 120:2

Ơ Kră Yang, apinh pơklaih bơhngol inh đơ̆ng 'bơ̆r hơlĕnh, Đơ̆ng hơpiĕt lu bơngai pơhlŭ.

Horiso 109:2

Yua kơ 'bơ̆r lu bơngai pơm kơnê̆ păng 'bơ̆r hơlĕnh pơdăr. Đei pơma kơnê̆ kơ inh. Hơpiĕt lu sư pơma hơlĕnh kơ inh

Horiso 50:19

Ih yua 'bơ̆r ih pơma kơnê̆, Hơpiĕt ih huăt kư̆ kă hơlĕnh pơdăr.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

I Sam 22:9

Đôe bơngai Eđôm, wei pơgơ̆r lu đĭch đam Sôl tơl thoi âu: Inh 'bôh kon drŏ-nglo Jese năm tơ pơlei Nŏp, mơ̆t lăm hnam Ahimelek, kon drŏ-nglo Ahitup;