Horiso 51:9 - Sơ̆p Hlabơar Nơ̆r 'Bok Kei-Dei

⁹ Ôn muh măt Ih 'nĕ pă lăng tơdrong yoch inh, Păng sut rơgoh đĭ yoch kơnê̆ inh.

Horiso 51:9 Referans Kwoze

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Kôlôsê 2:14

Sơ̆ dang bơ̆n đei hla bơar 'Bok Kei-Dei chih ată kơ bơ̆n pơm tơdrong yoch trŏ kơ Sư phak, mă-lei dang ei huay boih, Sư sut đĭ dôm tơdrong yoch Sư chih 'noh hăm pơ̆ng hla bơar 'noh tơ 'long pơglang.

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Jop 9:30

Mă khan inh hum hơpĕch hăm 'bŏng, păng ôp ti inh păng tơnuh.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.