Horiso 51:14 - Sơ̆p Hlabơar Nơ̆r 'Bok Kei-Dei

¹⁴ Ơ Kră Yang 'Bok Kei-Dei, jơ̆ Kră Yang 'Bok Kei-Dei dŏng pơklaih inh, Apinh ih pơklaih inh đơ̆ng tơdrong tơlĕch pham, Noh na hơpiĕt inh gô hơri bơnê kơ Kră Yang 'lơ̆ng tơpăt.

Horiso 51:14 Referans Kwoze

Horiso 35:28

Thoi noh, hơpiĕt inh gô roi tơdrong tơpăt Sư. Inh bơnê kơ Kră Yang prăt năr.

II Sam 12:9

Liơ ih ưh kơ băt hli yom kơ nơ̆r Kră Yang tơtă, na pơm tơdrong kơnê̆ dêh 'bơ̆t anăp Sư? Ih yua đao pơlôch Uri, bơngai Hêtit, iŏk akăn sư pơm akăn ih, ih yua đao gưm linh bơngai Ammôn pơlôch sư.

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Horiso 26:9

Apinh Ih 'nĕ tah bơhngol inh hơdai hăm lu bơngai yoch, Kŭm 'nĕ kơ 'bŭ tơdrong arih inh hơdai hăm lu bơngai pơlôch đe.

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

Jang 20:26

Na inh wă khan tơpă kơ lu iĕm dang ei: Tơdah 'Bok Kei-Dei phak iĕm ning-mônh, măk ai lu iĕm hŏ, yua kơ inh ưh kơ hli na bơtho iĕm tôm tơdrong 'Bok Kei-Dei.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Habakuk 3:18

Inh kư̆m oei chơt hiôk lăm Kră Yang; Chhôk hal Kră Yang 'Bok Kei-Dei Tơ'ngla Dŏng Pơklaih inh.

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Da 9:7

Ơ Kră Yang 'Bok Kei-Dei, Ih 'lơ̆ng tơpă, gah nhôn đei tơdrong mơlâu, thoi năr âu; tơdrong noh gom lê̆ lu bơngai Juđa, kon pơlei Jêrusalem, kơ đĭ-đăng lu bơngai Isơrael oei jê̆, oei ataih, tơ lăm jơ̆p kơ teh đak mă Ih pơm ăn kơ lu sư tơklah tơklang, yua kơ tơdrong lu sư yoch hăm Ih.

Êsêkiên 33:8

Mưh Inh khan kơ lu bơngai yoch, Ơ bơngai yoch, tơpă iĕm gô lôch mă-lei ih ưh kơ khă ôh lu bơngai yoch athei achăng lê̆ trong sư, sư gô lôch lăm tơdrong yoch sư; mă-lei Inh gô tơpŭ kơ ih pham sư.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Horiso 88:1

Ơ Kră Yang, 'Bok Kei-Dei, Tơ'ngla dŏng pơklaih inh măng năr inh krao ôr 'bơ̆t anăp Ih.

Horiso 68:20

Kră Yang 'Bok Kei-Dei jơ̆ Kră Yang 'Bok Kei-Dei mă huai iŏk lu bơ̆n; Noh đơ̆ng Kră Yang na mă bơ̆n gơh klaih đơ̆ng lôch

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Horiso 38:22

Ơ Kră Yang! 'Bok Dŏng Pơklaih inh, Tĕnh tĕnh bĕ tơgŭm inh.

Horiso 25:5

Apinh chông ba inh lăm trong tơpăt Ih păng bơtho tơ'bôh kơ inh, Yua kơ Ih boih Kră Yang 'Bok Kei-Dei dŏng pơklaih inh. Rim năr inh chang gô Ih.

Ne 9:33

Lăm dôm tơdrong truh kơ lu nhôn, Ih oei tơpăt hơnơ̆ng đĕch; yua kơ Ih pơm trŏ tơpă, gah lu nhôn pơm tơdrong kơnê̆.

Esơra 9:13

Na đơ̆ng rŏng kơ tơdrong truh phak lu nhôn, noh yua kơ đơ̆ng tơdrong lu nhôn pơm yoch tih dêh, Ih 'bôh ơ Kră Yang 'Bok Kei-Dei lu nhôn! Tơpă Ih ưh kơ wă phak lu nhôn trŏ thoi tơdrong yoch lu nhôn đei pơm ôh păng ăn kơ lu nhôn oei klaih klăi thoi âu;

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

II Sam 3:28

Đơ̆ng rŏng kơ Đawit băt boih, na sư khan: “Inh hăm dêh char pơtao inh ưh kơ đei layơ yoch 'bơ̆t anăp Kră Yang kơ pham Apner, kon tơdăm Nêr.

Bl 42:22

Rubên tơl; Hăm trŏ kơ inh khan kơ lu đe oh khan: 'Nĕ kơ pơm yoch kơ bơngai 'lơ̆p noh? Mă-lei lu iĕm ưh kơ mơ̆ng, 'nâu dang tơiung pham sư tuh kơ lu bơ̆n.