Horiso 51:13 - Sơ̆p Hlabơar Nơ̆r 'Bok Kei-Dei

¹³ Na inh gô bơtho trong Ih kơ lu pơm glăi, Păng lu bơngai đei yoch gô wih tơ Ih.

Horiso 51:13 Referans Kwoze

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Mathiơ 18:3

Na Yêsu khan: “Iĕm lăng bơngai 'lơ̆p âu sư ưh kơ đei layơ pơma pơang akâu kơdih. Inh khan kơ iĕm tơpă, dah iĕm khan wă kơ 'Bok Kei-Dei pơgơ̆r iĕm, lei iĕm athei tơplih ming jơhngơ̆m đon iĕm kiơ̆ thoi bơngai 'lơ̆p âu.

Je 31:18

Inh kơtơ̆ng boih bơngai Êphraim nhơ̆m hmoi: ‘Ih phak bơtho inh boih, thoi đe pơjuăt kon rơmo mă tam biơh tah 'long ăt, inh pŭ iŏk boih. Apinh Ih iŏk inh brŏk bĕ, na inh gơh brŏk đei hiôk-hian, yua kơ Ih boih Kră Yang 'Bok Kei-Dei inh,

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Horiso 32:5

Inh tơbral yoch hăm Kră Yang 'Bok Kei-Dei, Ưh pă đei ôn dôm yoch kơnê̆ inh. Inh khan: “Inh tơbral roi đĭ dôm tơdrong yoch glăi inh kơ Kră Yang. Ih huay pă jô̆ yoch inh.” Sêla

Horiso 25:8

Kră Yang 'lơ̆ng rŏ păng tơpăt. Yua kơ thoi noh Sư gô bơtho tơ'bôh trong kơ lu bơngai yoch.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Horiso 25:4

Ơ Kră Yang, apinh Ih Tơ'bôh kơ inh trong Ih, Păng bơtho inh băt dôm trong gơlong Ih.

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.