Horiso 51:10 - Sơ̆p Hlabơar Nơ̆r 'Bok Kei-Dei

¹⁰ Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Horiso 51:10 Referans Kwoze

Êsêkiên 11:19

Inh gô ăn kơ lu sư minh jơhngơ̆m, minh đon 'nao; Inh gô iŏk lê̆ jơhngơ̆m arăng thoi tơmo đơ̆ng akâu lu sư păng ăn kơ lu sư jơhngơ̆m rơmuăn wă chu kiơ̆ Kră Yang.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Mathiơ 5:8

“Pŭn dêh lu bơngai jơhngơ̆m 'lơ̆ng rơgoh, lu sư gô 'bôh 'Bok Kei-Dei.

Êsêkiên 18:31

Athei hŭt lê̆ bĕ tơdrong yoch kơnê̆ ataih đơ̆ng lu iĕm mă lu iĕm đei pơm boih, pơm ming bĕ kơ lu iĕm kơdih, jơhngơ̆m 'nao păng tơdrong arih 'nao, ơ adrĕch Isơrael, thoi yơ lu iĕm wă kơ lôch?

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Tơdrông Pơđơk 20:9

Bu pơ̆n khan: Inh wei-lăng jơhngơ̆m inh rơgoh, Inh rơgoh pă đei yoch boih?

Horiso 24:4

Noh lu bơngai đei ti rơgoh păng jơhngơ̆m rơgoh, Ưh kơ wă ăn bơhngol sư tơdrong yoch glăi, Kŭm ưh kơ pơkă hơlĕnh.

Kôlôsê 3:10

Bơ̆n jing bơngai 'nao boih, 'Bok Kei-Dei pơjing bơ̆n 'nao hơbŏ thoi Sư, ăn kơ bơ̆n rai đunh rai hơgei hlôh tôm tơdrong Sư.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Horiso 73:1

Kră Yang 'Bok Kei-Dei pơm 'lơ̆ng tơpă kơ lu bơngai Isơrael. Lu bơngai mă đei jơhngơ̆m 'lơ̆ng rơgoh.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Horiso 78:37

Jơhngơ̆m lu sư ưh kơjăp păng Kră Yang. Lu sư kư̆m ưh kơ tơpăt lăm tơdrong pơgơ̆p Kră Yang 'Bok Kei-Dei tơtă.

Je 13:27

Inh 'bôh boih tơdrong kơnê̆ iĕm pơm, Ih pơm pơyô kư̆ kă, tơdrong luĕl 'blal. Pơm pơyô kư̆ kă tơ lăm groi dah tơ mir chŭn. Ơ Jêrusalem răm-'băm tơpă kơ iĕm! Iĕm ưh kơ wă hơmet rơgoh dĭng dang yơ?”

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jôsuê 14:14

Thoi noh na Hêbrôn jing teh ăn kơ Kalep jang sa kon drŏ-nglo Jêphunê, đơ̆ng bơngai Kênisit ăn kơ Kalep jang sa mă truh dang ei, yua kơ sư chu păng pơm kiơ̆ Kră Yang 'Bok Kei-Dei Isơrael đĭ jơhngơ̆m.

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”