Horiso 50:17 - Sơ̆p Hlabơar Nơ̆r 'Bok Kei-Dei

¹⁷ Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

Horiso 50:17 Referans Kwoze

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Tơdrông Pơđơk 12:1

Bơngai bu 'maih chă đe teh bơtho noh thoi wă 'maih đei đon gơh hơgei. Bơngai bu areh kơ đe teh bơtho bơngai noh kơtul kơwao.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Yo 3:20

Bơngai bu pơm tơdrong kơnê̆, bơngai 'noh sư ưh kơ wă kơ tơdrong hơdah păng sư ưh kơ wă năm jê̆ tơdrong hơdah, yua kơ sư hli, dah năm jê̆ tơdrong hơdah sư tơchĕng 'Bok Kei-Dei 'bôh hloi tơdrong kơnê̆ sư.

Je 18:12

Mă-lei lu sư oei khan: ‘Măk ai kơ nhôn. Lu nhôn oei kiơ̆ kơ đon nhôn kơdih, rim 'nu kư̆ kiơ̆ kơ jơhngơ̆m đon arăng kơnê̆ kơdih.’ ”

Tơdrông Pơđơk 8:36

Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.

I Pot 14:9

Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.

Lêwi 26:15

tơdah lu iĕm sơngah kơ nơ̆r Inh tơtă păng jơhngơ̆m iĕm areh kơ khôi juăt Inh, dĭng mah ưh pă pơm kiơ̆ nơ̆r Inh tơtă, pơm glăi kơ tơdrong Inh pơgơ̆p.

Tơdrông Pơđơk 15:10

Phak kơtang tơpă bơngai bu kuă kơ kiơ̆ trong tơpăt; Bơngai areh kơ tơdrong teh bơtho gô lôch.