Horiso 50:16 - Sơ̆p Hlabơar Nơ̆r 'Bok Kei-Dei

¹⁶ Mă-lei Kră Yang 'Bok Kei-Dei khan kơ lu bơngai kơnê̆: “Liơ ih oei roi dôm tơdrong juăt Inh? Yua kơ kiơ 'bơ̆r ih pơma gah tơdrong pơgơ̆p Inh?

Horiso 50:16 Referans Kwoze

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Horiso 25:14

Kră Yang pơdah ăn tơdrong hlơpa hăm lu Bơngai đe mă hli yom kơ Sư. Tơ'bôh ăn kơ bơngai noh băt tơdrong Sư pơgơ̆p.

II Pet 2:15

Lu sư lê̆ trong tơpăt, jing hơwơ̆l rok kiơ̆ trong 'Balam kon Bêhôr. 'Balam ham kơ jên dêh, na sư pơm tơdrong ưh kơ 'lơ̆ng.

Hêbrơ 8:9

Tơdrong pơgơ̆p 'nao ei ưh pă thoi tơdrong pơgơ̆p mă Inh pơjing ăn kơ lu yă 'bok iĕm kơplah mă Inh chông ba lu sư jăk đơ̆ng dêh Êyiptơ sơ̆ ôh. Tơdrong pơgơ̆p noh sơ̆ lu sư kuă kơ kiơ̆. Thoi noh na Inh achăng lê̆ lu sư, Kră Yang khan.

Yo 4:24

'Bok Kei-Dei Sư Yang tơpă na lu bơngai mă kơkuh kơ Sư athei kơkuh mă tơpă hăm đĭ jơhngơ̆m đon sư.”

Tơdrông Pơđơk 26:7

Nơ̆r pơđơ̆k lăm 'bơ̆r lu bơngai kơtul kơwao. Kŭm thoi jơ̆ng bơngai jo ưh kơ gơh yak.

I Kor 9:27

Inh adrin pơm jơhngơ̆m chơ̆n kuă ăn akâu inh pơm yoch, hli kơ inh bơtho đe, đe lui mơ̆n, mă akâu inh kơdih hiong tơdrong apah.

Êsêkiên 18:27

Tơdah bơngai mă pơm kơnê̆ hŭt lê̆ tơdrong kơnê̆, tơdrong yoch mă sư pơm boih, na pơm kiơ̆ tơdrong tơpăt tơdrong trŏ, sư gô dŏng pơklaih bơhngol sư đei tơdrong arih ling-lang.

Êsai 48:22

Kră Yang khan lu bơngai kơnê̆ ưh kơ đei layơ hiôk rơnŭk.”