Horiso 5:6 - Sơ̆p Hlabơar Nơ̆r 'Bok Kei-Dei

⁶ Ih gô pơrăm đĭ lu bơngai pơm pơma hơlĕnh, Ih areh kơ lu bơngai pơlôch đe, Hăm lu bơngai sa pơgâm.

Horiso 5:6 Referans Kwoze

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

Horiso 4:2

Ơ kon bơngai! Tơdrong ư-ang inh, iĕm wă pơjăm dĭng dang yơ? Lu iĕm 'mêm kơ tơdrong kư̆ kă 'maih chă tơdrong hơlĕnh dĭng dang yơ dơ̆ng?

Rom 1:29

Kon bơngai bơ̆n pơm tôm tơdrong kơnê̆, tôm tơdrong yoch tơpă. Bơ̆n 'nhĕng tơmam đe, bơ̆n areh dih băl, bơ̆n tơgar sa băl, pơlôch dih băl, tơteh dih băl, plơ̆ plĕch kơ bôl buăl; jơhngơ̆m 'maih hil kơ đe, wă bâu roi đe,

Horiso 43:1

Ơ Kră Yang 'Bok Kei-Dei! Sek tơlang kơ inh bĕ, Păng dŏng inha đơ̆ng lu kon pơlei ưh kơ lui.b Apinh pơklaih inh đơ̆ng lu bơngai hơlĕnh pơm kơnê̆.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 16:8

Kră Yang phak e, yua kơ đêl e pơlôch tuh pham lăm adrĕch adrung hnam dơnŏ Sôl. Tơgar iŏk pơm pơtao đơ̆ng Sôl, na dang ei Kră Yang gô pơjao teh đak lăm tơpang ti Apsalôm, kon drŏ-nglo e; păng e gô pŭ tơdrong pơmat-tat, kơlih yua kơ e jơ̆ minh 'nu bơngai pơlôch đe.”

Bl 34:14

Lu sư khan thoi âu: Lu nhôn ưh kơ gơh ôh chă ăn klo kơ oh lu nhôn bơngai mă ưh kơ kăt tơdra akar, yua kơ gô pơm ăn kơ lu nhôn mơlâu pă băt.

Horiso 11:5

Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.