Horiso 5:4 - Sơ̆p Hlabơar Nơ̆r 'Bok Kei-Dei

⁴ Yua kơ Ih ưh kơ trŏ kơ Kră Yang 'Bok Kei-Dei mă lăp đon tơdrong kơnê̆, lu bơngai kơnê̆ ưh kơ gơh ôh oei hơdai Ih.

Horiso 5:4 Referans Kwoze

Horiso 11:5

Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”

Horiso 140:13

Lu bơngai tơpăt gô bơnê kơ anăn Ih. Bơngai tơpăt gô oei 'bơ̆t anăp Ih.

Horiso 50:21

Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Horiso 92:15

Wă tơ'bôh kơ Kră Yang tơpăt; Sư jơ̆ tơmo pĕng inh lăm Sư ưh kơ đei đŏng đĕo.

II Pet 3:13

Mă-lei gah bơ̆n, kiơ̆ kơ nơ̆r 'Bok Kei-Dei kơdih khan, Sư wă pơjing dơ̆ng plĕnh teh 'nao ăn kơ lu bơngai mă 'lơ̆ng tơpăt đĕch oei tơ noh. Tơdrong noh boih, tơdrong mă bơ̆n hưch hanh oei chang gô dang ei.

Horiso 101:7

Lu mă hơlĕnh pơdăr ưh kơ gơh oei tơ lăm hnam inh. Bơngai pơma hơlĕnh ưh kơ gơh dơ̆ng 'bơ̆t anăp inh.

Horiso 94:20

Hăm gơh lu bơngai pơyơ̆r mă pơm kơnê̆ pơgơ̆p hăm Ih, yua khôi juăt wă pơrăm ih.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

Horiso 63:2

'Bôh tơdrong mơyang păng, tơdrong ư-ang Ih. Thoi inh 'bôh Ih lăm anih rơgoh.

Horiso 88:14

Ơ Kră Yang! Yua kơ kiơ Ih achăng lê̆ bơhngol inh păng liơ ôn muh măt Ih kơ Inh?