Horiso 49:17 - Sơ̆p Hlabơar Nơ̆r 'Bok Kei-Dei

¹⁷ Yua kơ dah sư lôch ưh kơ đei gơh chĕp ba kiơ. Mŭk măk sư kư̆m ưh kơ kiơ̆ sư tơ lăm bơsat mơ̆n.

Horiso 49:17 Referans Kwoze

I Tim 6:7

Kơplah lăm mĕ bơ̆n tơpŭ kơ bơ̆n oei nge sơ̆, bơ̆n ưh kơ đei chĕp tơmam kiơ tơlĕch tơ teh âu. 'Noh thoi lĕ bơ̆n lôch ning-mônh, bơ̆n ưh kơ gơh chĕp ba tơmam kiơ ôh.

Jop 27:19

Lu sư 'bĭch tep, mơdrŏng hiôk, hnam oei 'lơ̆ng. Lăp lu sư lar măt hnam ưh pă đei dơ̆ng.

I Kor 15:43

Đe 'bŭ akâu bơ̆n tơ teh ưh pă yua kiơ dơ̆ng, mă-lei mưh Sư tơiung arih, akâu bơ̆n jing 'lơ̆ng rŏ. Đe 'bŭ akâu bơ̆n tơ teh ưh kơ pran ôh, mă-lei mưh Sư tơiung arih, akâu bơ̆n jing pran.

Luka 16:24

Na 'bok mơdrŏng ei krao pơret Abraham thoi âu: ‘Ơ Abraham, apinh ih mơnat kơ inh 'biơ̆, ih wơh Lasarơ năm djrŭ ti sư tơ đak năm kơtoh kơ 'bơ̆r inh 'biơ̆ bĕ wă klaih rơhing 'biơ̆, yua kơ inh oei lăm dơnâu ŭnh tŏ hang dêh.’

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 5:14

Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Bôk Bơthô 5:15

Bơ̆n lĕch đơ̆ng klak mĕ akâu hoh, bơ̆n lôch brŏk tơ teh kư̆m hoh thoi noh mơ̆n, brŏk tơpang ti hoh ưh kơ đei chĕp ba kiơ đơ̆ng tơdrong jang mă gleh hrat noh.

Horiso 17:14

Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”