Horiso 40:11 - Sơ̆p Hlabơar Nơ̆r 'Bok Kei-Dei

¹¹ Ơ Kră Yang! 'Nĕ chĭt jơhngơ̆m Ih 'mêm mơnat kơ inh. Apinh tơdrong 'mêm păng mơnat sĭt tơpă Ih wei-lăng inh ling-lang.

Horiso 40:11 Referans Kwoze

Horiso 43:3

Apinh Ih pơchrang tơdrong hơdah păng tơdrong tơpăt Ih. Chông ba inh, truh tơ kông 'lơ̆ng rơgoh păng anih Ih oei.

Horiso 23:6

Tơpă lăm đĭ năr inh oei arih, tơdrong pŭn hiôk păng tơdrong 'mêm mơnat gô kiơ̆ inh; inh gô oei lăm hnam Kră Yang ling-lang hlŏng hloi.

Horiso 57:3

Sư tơjur ăn đơ̆ng plĕnha tơdrong dŏng pơklaih inh. Sư gô hil chrih kơ lu bơngai pơjuă inh. Sêla Kră Yang 'Bok Kei-Dei gơih ăn tơdrong 'mêm mơnat păng tơdrong tơpăt Sư.

Tơdrông Pơđơk 20:28

Tơdrong 'mêm păng tơnăp tơpă mă gơh wei pơtao, Đơ̆ng 'mêm mơnat pơkơ̆ng kơjăp tang-dŏ pơtao sư.

Horiso 69:16

Ơ Kră Yang! Apinh Ih tơl tơwih kơ inh, yua kơ tơdrong 'mêm 'lơ̆ng Ih; Kiơ̆ kơ tơdrong 'mêm mơnat Ih, apinh wih tơ inh.

Horiso 61:7

Ăn kơ sư pơyơ̆r 'bơ̆t anăp ling-lang hloi.a Apinh Ih ăn tơdrong 'mêm mơnat sĭt, wă kơ wei-lăng sư.

Horiso 69:13

Mă-lei ơ Kră Yang! Inh krao apinh kơ Ih! Ơ Kră Yang 'Bok Kei-Dei lăm tơdrong Ih 'mêm mơnat apinh Ih tơl tơwih nơ̆r inh, Hăm tơdrong dŏng pơklaih sĭt Ih.

Horiso 85:10

Na tơdrong 'mêm mơnat hăm tơdrong 'lơ̆ng tơpăt tơ'bơ̆p băl; Tơdrong tơpăt hăm tơdrong hiôk-hian tơchŭm băl.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Horiso 89:2

Inh gô khan: “Tơdrong 'mêm mơnat Ih oei oei ling-lang hlŏng hloi. Tơdrong tơpăt ih pơjing kơjăp thoi kơ plĕnh ti.”