19 Mă-lei lu ayăt kơ inh oei arih păng pran. Lu bơngai areh kơ inh tơdrong kơ đei lơ tơpă.
'Nĕ ăn kơ lu bơngai pơm kơnê̆ kơ inh tơdrong kơ đei chơt hiôk. Kŭm 'nĕ kơ lê̆ lu areh kơ inh, kơ'mreh măt tơdrong kơ đei yua kơ Ih.
Đĭ-đăng bơngai gô areh arĕnh kơ iĕm yua kơ tơdrong jang Inh. Thoi noh bu wă adrin lui kơ Inh truh tôch, bơngai 'noh gô klaih.
Lu bơngai areh kơ inh tơdrong kơđei, lơ hloh kơ sŏk kơpal kơ̆l inh; Lu pơm ayăt kơ inh tơdrong kơ đei, lu bơngai wă pơrăm inh kơtang tơpă. Inh athei 'mong dôm tơmam mă inh ưh kơ tơtông iŏk ră.
Lăng bĕ tơ lu ayăt kơ inh, yua kơ lu sư lơ dêh; Lu sư areh kơ inh dêh tơpă.
Sư dŏng pơklaih inh đơ̆ng lu ayăt mă pran kơtang. Đơ̆ng lu bơngai areh kơ inh, yua kơ lu sư pran hloh kơ inh.
Ơ Kră Yang! Lu ayăt kơ inh lơ dêh pă băt dôm yơ! Lu bơngai iung blah inh lơ dêh tơpă!
Inh tơbral yoch hăm Kră Yang 'Bok Kei-Dei, Ưh pă đei ôn dôm yoch kơnê̆ inh. Inh khan: “Inh tơbral roi đĭ dôm tơdrong yoch glăi inh kơ Kră Yang. Ih huay pă jô̆ yoch inh.” Sêla