Horiso 37:34 - Sơ̆p Hlabơar Nơ̆r 'Bok Kei-Dei

³⁴ Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Horiso 37:34 Referans Kwoze

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Tơdrông Pơđơk 20:22

'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Horiso 37:9

Yua kơ lu bơngai kơnê̆ gô răm đĭ; Mă-lei gah lu bơngai chang gô Kră Yang gô đei teh jang sa.

Mathiơ 24:13

Mă-lei dah bu adrin lui kơ Inh truh năr tôch, bơngai 'noh gô klaih.

Horiso 37:7

Oei hreh bĕ 'bơ̆t anăp Kră Yang păng chang gô Sư. 'Nĕ kơ ơh klai yua kơ lu đe đei pŭn hiôk lăm trong lu sư. Dah yua kơ bơngai noh pơm keh lu tơdrong kơnê̆.

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Tơdrông Pơđơk 16:17

Trong lu bơngai tơpăt băt weh đơ̆ng yoch. Bu kơchăng lăng trong wei rong bơhngol sư kơdih.

Horiso 91:8

Ih lăp lăng 'bôh hăm măt đĕch. Păng gô 'bôh tơdrong pơm tơwih kơ lu bơngai pơm kơnê̆.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Horiso 25:13

Bơhngol sư gô oei tơ anih hiôk-hian. Păng lu kon sâu sư gô đei teh jang sa

Horiso 92:12

Bơngai tơpăt gô bluh thoi 'long gol păng gô rai kơjung thoi 'long hơngo tơ char Liban.

Horiso 112:8

Jơhngơ̆m sư kơjăp, ưh kơ hli tơrơ, truh tơ sư 'bôh lu ayăt thuơ kơ sư.

Tơdrông Pơđơk 29:16

Mưh bơngai pơm kơnê̆ rai lơ tơdrong yoch thim rai lơ; Mă-lei bơngai tơpăt băt 'bôh tơdrong lu sư pơ̆k huŏng.

Êsai 57:13

Mưh iĕm krao ôr wă kơ dŏng, gô lê̆ kơ lu rup yang 'noh dŏng pơklaih iĕm. Lăp minh hơyuh kial gô dơhlu pơđông lu rup yang iĕm 'noh. Lăm minh 'măng hơyuh kial tơthu đĕch gô hiong đĭ-đăng, mă-lei bơngai bu kơ'nơp lăm Inh, gô đei yua teh 'nâu păng đei iŏk kông rơgoh Inh.