Horiso 37:22 - Sơ̆p Hlabơar Nơ̆r 'Bok Kei-Dei

²² Yua kơ lu bơngai mă Kră Yang ăn pŭn hiôk gô đei iŏk teh jang sa; Gah lu bơngai mă Sư hiap pơtê̆ gô lôch răm đĭ.

Horiso 37:22 Referans Kwoze

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Horiso 37:9

Yua kơ lu bơngai kơnê̆ gô răm đĭ; Mă-lei gah lu bơngai chang gô Kră Yang gô đei teh jang sa.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!

Horiso 119:21

Ih chrih hil kơ lu bơngai pơang, jơ̆ lu bơngai trŏ kơ hiap pơtê̆. Lu bơngai mă weh ataih đơ̆ng Ih tơtă.

Horiso 115:15

Hơpơi sư ăn pŭn hiôk kơ lu iĕm. Kră Yang Tơ'ngla pơjing kơ plĕnh păng teh.

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Horiso 37:18

Kră Yang băt năr lu bơngai tơpăt, Păng mŭk tơmam lu sư oei đei ling-lang.

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

Horiso 32:1

Pŭn dêh kơ bơngai bu mă tơdrong yoch sư gơh mơnat ăn, Huay pă jô̆ yoch.

Jop 5:3

Inh 'bôh bơih lu bơngai kơtul rai chăt rơh, mă-lei pă 'biơ̆ đĕch Kră Yang gô hiap anih hnam sư oei.a

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Horiso 25:13

Bơhngol sư gô oei tơ anih hiôk-hian. Păng lu kon sâu sư gô đei teh jang sa

Êsai 57:13

Mưh iĕm krao ôr wă kơ dŏng, gô lê̆ kơ lu rup yang 'noh dŏng pơklaih iĕm. Lăp minh hơyuh kial gô dơhlu pơđông lu rup yang iĕm 'noh. Lăm minh 'măng hơyuh kial tơthu đĕch gô hiong đĭ-đăng, mă-lei bơngai bu kơ'nơp lăm Inh, gô đei yua teh 'nâu păng đei iŏk kông rơgoh Inh.