Horiso 37:16 - Sơ̆p Hlabơar Nơ̆r 'Bok Kei-Dei

¹⁶ Tơmam lu bơngai tơpăt tŏ sĕt ră, Mă-lei đei 'lơ̆ng hloh kơ tơmam lu bơngaic kơnê̆ đei rơkah rơkai.

Horiso 37:16 Referans Kwoze

Tơdrông Pơđơk 16:8

Đei lơi tŏ sĕt đơ̆ng pơm tơpăt noh 'Lơ̆ng hloh đei tơmam lơi lơ đơ̆ng hơlĕnh.

I Tim 6:6

Dah bơ̆n lui tơpă hăm đĭ jơhngơ̆m, noh kư̆m dang bơ̆n mơdrŏng mơ̆n yua kơ jơhngơ̆m bơ̆n hiôk 'lơ̆ng păng Sư boih.

Tơdrông Pơđơk 13:25

Bơngai tơpăt đei tơmam sŏng sa phĭ mah Mă-lei đei klak lu bơngai kơnê̆ gô pơngot.

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

Mathiơ 6:11

Apinh Ih ăn kơ nhôn năr 'nâu đei sŏng sa mah.

Bôk Bơthô 4:6

Kơtrơ̆m jah đei đăi 'bĕnh hơya minh pah tơpang ti đĕch mă-lei đei tơdrong hiôk rơnŭk, noh sư hloh kơ đei 'bĕnh 'bar pah tơpang ti, mă-lei gleh pơmat, mơ̆ng kơ kial bơbơ̆t sư tơ yơ kiơ̆ tơ noh.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.