Horiso 34:19 - Sơ̆p Hlabơar Nơ̆r 'Bok Kei-Dei

¹⁹ Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

Horiso 34:19 Referans Kwoze

Horiso 34:17

Lu bơngai 'lơ̆ng tơpăt Krao apinh, Kră Yang mơ̆ng hloi. Păng pơklaih lu sư đơ̆ng tơdrong pơmat-tat.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Horiso 34:6

Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.

Horiso 34:4

Inh krao apinh boih Kră Yang, Sư tơl boih nơ̆r inh. Sư pơklaih inh đơ̆ng tơdrong hli hlơt.

Tơdrông Pơđơk 24:16

Yua kơ bơngai tơpăt mă sư pơ̆k tơpơh wơ̆t ră, Mă-lei gô iung dơ̆ng; Mă-lei bơngai pơm kơnê̆ gô pơrăm hăm pơmat-tat.

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Horiso 71:20

Ih đei ăn boih kơ inh tơdrong gleh pơmat krưp: Ih gô pơrih inh păng pôk hơtŏk inh đơ̆ng sơlŭng jrŭ lăm teh đak.

Jop 42:12

Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Ru 1:3

Mă-lei Êlimêlek klo Naômi lôch, achăng akăn sư păng 'bar 'nu kon tơdăm sư.

Horiso 51:19

Dang ei Kră Yang lăp đon kơ tơmam soi 'lơ̆ng tơpăt. Tơmam soi 'buh păng tơmam soi pơyơ̆r 'buh pơkhôi đĭ akâu, Dang ei rơmo dăm gô pơyơ̆r tơ kơpal chơnang soi Ih.

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Êsai 55:6

Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.