Horiso 34:10 - Sơ̆p Hlabơar Nơ̆r 'Bok Kei-Dei

¹⁰ Kon dăm-brang mơlôh khăi kơ tơmam sa păng pơngot. Mă-lei bơngai bu mă krao chă Kră Yang ưh kơ đei khăi kơ tơmam 'lơ̆ng ôh.

Horiso 34:10 Referans Kwoze

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Mathiơ 6:32

Lu bơngai nai mă ưh kơ lui, lu sư tơchĕng kơ tơdrong noh ling-lang. Mă-lei 'Bă bơ̆n tơ plĕnh ti kư̆m băt boih dôm tơdrong lu iĕm kăl yua, Sư gô tơgŭm iĕm tơpă.

Horiso 104:21

Lu dăm-brang mơlôh grĕnh chă sa, chă sa tơmam mă đơ̆ng Kră Yang 'Bok Kei-Dei ăn kơ lu sư.

Horiso 23:1

Kră Yang Tơ'ngla wei-lăng inh, inh ưh kơ khăi kơ kiơ.

Horiso 33:19

Wă pơklaih bơhngol lu sư đơ̆ng lôch, Păng bơwei tơdrong arih lu sư lăm năr pơngot rơwĕt.

Horiso 112:3

Mŭk măk păng mơdrŏng oei lăm hnam Sư. Păng tơdrong tơpăt Sư oei oei ling-lang.

Tơdrông Pơđơk 10:3

Kră Yang ưh kơ lê̆ ôh lu bơngai tơpăt pơngot rơwĕt. Mă-lei sư sơngah tơdrong bơngai kư̆ kă wă.

Tơdrông Pơđơk 19:23

Tơdrong hli yom kơ Kră Yang ba tơdrong arih. Bu đei tơdrong noh hiôk-hian hloh; ưh pă đei rŭng răng.

Tơdrông Pơđơk 22:4

Tơdrong apah kơ bơngai iŏk đon ala, păng hli yom kơ Kră Yang. Noh tơdrong mơdrŏng, tơdrong arih păng đe pơyom.