Horiso 32:3 - Sơ̆p Hlabơar Nơ̆r 'Bok Kei-Dei

³ Mưh inh ĕnh, lu kơting inh hiong hiach đĭ păng inh ôr krao prăt năr.

Horiso 32:3 Referans Kwoze

Horiso 38:8

Inh gleh lap păng rơdu rơmơ̆n,b Inh ôr krao, yua kơ lăm jơhngơ̆m inh rŭng răng.

Horiso 38:3

Yua kơ Ih hil, sĕch inh ưh pă đei hơnĭl; Yua kơ tơdrong yoch inh, kơting inh kư̆m pă đei 'lơ̆ng.

Nhom 3:8

Mă inh ôr krao apinh dŏng, Kră Yang chĭt đon ưh kơ wă mơ̆ng nơ̆r inh kro khan;

Horiso 22:1

Ơ Kră Yang 'Bok Kei-Dei! Kră Yang 'Bok Kei-Dei ơi! Liơ Ih achăng lê̆ inh? Yua kơ kiơ Ih dơ̆ng tơ ataih, Ưh kơ tơgŭm dŏng inh, ưh kơ mơ̆ng nơ̆r inh ôr krao?

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Jop 30:30

Akar inh jing găm păng tơlŏng akâu jăn inh yuh tơtŏ kơ chĕp bơlŏ.

Horiso 51:8

Ăn bĕ kơ inh tơdrong chơt hiôk 'nă hal. Wă kơ lu kơting kơtong mă Kră Yang gơ̆ lê̆ gô hiôk-hian.

Nhom 3:4

Sư pơm kơ sĕch inh hơđang, akar inh tơhek păng kơting inh tơgơ̆.

Nhom 1:3

Juđa năm pơm bơnă, chu iŏk pơmat kư̆m chu đe wơh pơđep. Chă oei sa tơ kon pơlei ưh pă đei pơdơh ngôi. Lu bơngai mă pơm kơnê̆ druh sư, tam tơ anih kueng.

Êsai 59:11

Lu bơ̆n ling-lang grĕnh ôr thoi chơgơu, păng tơngưih thoi sem kơtơp; lu bơ̆n chang hơmĕng tơdrong tơpăt hơnơ̆ng mă-lei ưh kơ đei, chang tơdrong dŏng pơklaih mă-lei sư rai ataih đơ̆ng bơ̆n!

Êsai 51:20

Lu kon pơlei ih lôch hơngơ̆t bơih, lu sư 'bĭch tơ rim mum trong pơlei. Nhen thoi kon juei hrơ̆p lăm hơnhuăl. Nhen thoi 'bĕnh hăm tơdrong Kră Yang hil mĭl păng tơdrong Kră Yang 'Bok Kei-Dei chrih.

Horiso 6:2

Ơ Kră Yang, apinh Ih mơnat kơ inh, yua kơ inh rơdu tơrăn; Ơ Kră Yang, pơklaih inh, yua kơ kơting inh tơtơ̆.

Jop 30:17

Kơmăng đei tơdrong jĭ truh tơ kơting inh, Tơdrong jĭ rĕn sa inh, ưh kơ pơdơh.

Jop 3:24

Inh tơtok tơtăm truh tơpă gơh sŏng sa. Inh nhơ̆m hmoi ôr thoi đak ro.

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

I Sam 31:13

iŏk kơting lu sư 'bŭ ala tơm 'long prai tơ Jabes păng ơ̆t kơ sŏng sa lăm tơpơh năr.

Tơdrông Pơđơk 17:22

Jơhngơ̆m chơt hiôk thoi pơgang sĭt. Mă-lei đei jơhngơ̆m sơ'ngon pơm kơ kơting kro krĕnh.