Horiso 31:2 - Sơ̆p Hlabơar Nơ̆r 'Bok Kei-Dei

² Apinh Ih pơgling đon mơ̆ng inh, mă kuăng kuăng dŏng pơklaih inh; Pơm bĕ thoi tơmo tih kơjăp ăn kơ inh kơ'nơp, Păng thoi kơđông kơjăp dŏng pơklaih inh.

Horiso 31:2 Referans Kwoze

Horiso 102:2

Lăm năr pơmat-tat, apinh 'nĕ ôn muh măt Ih kơ inh. Apinh Ih pơgling đon mơ̆ng nơ̆r inh; Lăm năr inh krao hơpơi, apinh mă kuăng jah tơl tơwih kơ inh.

Horiso 86:1

Ơ Kră Yang, apinh Ih pơgling đon mơ̆ng păng tơl tơwih kơ inh, Yua kơ inh pơmat-tat păng dơnuh hin.

Horiso 130:2

Ơ Kră Yang! Apinh Ih mơ̆ng nơ̆r inh; Apinh Ih pơgling đon mơ̆ng nơ̆r inh krao apinh.

Both 32:31

Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.

I Yo 4:12

Ưh tam đei bu 'bôh 'Bok Kei-Dei, sơmă dah bơ̆n 'mêm mơnat dih băl, 'noh yua kơ 'Bok Kei-Dei oei hơdai păng bơ̆n păng ăn kơ bơ̆n đei đon 'mêm mơnat kư̆m thoi Sư 'mêm mơnat mơ̆n.

Yo 6:56

Bơngai bu sa sĕch akar Inh păng huch sa pham Inh, bơngai 'noh sư oei păng Inh, Inh oei lăm sư.

Luka 18:8

Inh khan kơ iĕm tơpă, 'Bok Kei-Dei gô tơdŏng hloi lu sư noh. Mă-lei lăp Inh Kon Bơngai jur dơ̆ng ning-mônh, Inh hăm oei 'bôh lu bơngai lui dơ̆ng ưh kơnh lah?”

Êsai 33:16

Bơngai noh sư gô oei tơ lăm anih kơjung Sư gô kơ'nơp tơ lăm kông tơmo kơjăp tơmam sa sư rơkah rơkai, đak nhă sư mah ling-lang.

Tơdrông Pơđơk 22:17

Pơgling đon mơ̆ng bĕ lu bơngai hơgei pơma, Na gô pơih jơhngơ̆m ih đih sơng tơdrong hơgei inh.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Horiso 94:22

Mă-lei Kră Yang jing anih kơđông kơjăp pĕng inh. Kră Yang thoi Tơmo Tih, anih mă inh kơ'nơp.

Horiso 91:9

Ơ Kră Yang yua kơ Ih jing anih inh kơ'nơp. Ơ Kră Yang Tih Hloh Ih pơjing boih anih oei,

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Horiso 79:1

Ơ Kră Yang 'Bok Kei-Dei, lu bơngai tơmoi blah iŏk boih teh đak Ih. Pơm mơgrĭ kơ hnam akŭm Ih păng pơm kơ Jêrusalem hĕch hoch đĭ.

Horiso 69:17

Apinh Ih 'nĕ kơ ôn muh măt Ih kơ inh, Đĭch đam Ih, yua kơ inh oei pơmat-tat; Jah drơ̆ng nơ̆r inh bĕ.

Horiso 62:7

Tơdrong dŏng pơklaih păng tơdrong ư-ang inh lăm. Kră Yang 'Bok Kei-Dei tơmo kơjăp; Tơmo inh păng anih inh kơ'nơp.

Horiso 40:17

Gah inh jing dơnuh păng pơmat-tat. Apinh, Kră Yang 'blŏk kơ inh. Ih jơ̆ Kră Yang tơgŭm dŏng inh, Păng Kră Yang pơklaih inh. Ơ Kră Yang 'Bok Kei-Dei apinh Ih 'nĕ pă hiơ̆.

Jop 7:21

Yua kơ kiơ Ih ưh kơ mơnat ăn tơdrong yoch inh păng huay pă jô̆ tơdrong yoch inh. Ưh pă đunh bơih inh gô 'bĭch lăm 'mui teh; Ih gô chơchă inh, mă-lei pă đei inh bơih.”

II Sam 22:3

Kră Yang 'Bok Kei-Dei jơ̆ kông tơmo anih inh gơnang jơ̆ khêl pĕng inh, hơke dŏng pơklaih inh, hnam Thôt kơjung kơjăp anih inh kơ'nơp; Tơ'ngla dŏng pơklaih! Ih boih dŏng inh đơ̆ng bơngai pơm kơnê̆.

Horiso 7:2

Kơnh lu sư hek sa inh thoi dăm-brang, păng hek hơđah lê̆ akâu inh ưh kơ đei bu dŏng inh.a

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.