Horiso 3:8 - Sơ̆p Hlabơar Nơ̆r 'Bok Kei-Dei

⁸ Tơdrong dŏng pơklaih đơ̆ng Kră Yang, Apinh Ih ăn tơdrong pŭn hiôk tih kơ kon pơlei pơla Ih. Sêla

Horiso 3:8 Referans Kwoze

Êsai 43:11

Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Hôsia 13:4

Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Tơdrông Tơ'bôh 7:10

Lu sư pơma hơdai đĭ kơ minh tơpôl khan: “Ư-ang Kră Yang bơ̆n mă oei tơ tang-dŏ hăm ư-ang Kon Triu. Sư boih pơklaih bơ̆n ăn kơ bơ̆n hiôk-hian.”

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Tơdrông Pơđơk 21:31

Đe chă aseh wă 'măn kơ năr năm tơblah; Mă-lei kĕ jei noh đơ̆ng Kră Yang.

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Je 3:23

Tơpă tơdrong dŏng pơklaih đơ̆ng groi lăp chă hơlĕnh, ôr krao dơ̆ng kông chă pơhlŭ đĕch; sĭt tơpă tơdrong dŏng pơklaih bơngai Isơrael đơ̆ng Kră Yang, 'Bok Kei-Dei lu nhôn.

Tơdrông Tơ'bôh 19:1

Đơ̆ng noh inh kơtơ̆ng tơ plĕnh ti thoi lĕ kơ 'bơ̆r bơngai tơpôl lơ pơma 'bơ̆r re khan: “Halêluya, ư-ang kơ 'Bok Kei-Dei dŏng pơklaih kon bơngai. Sư mơsêh mơyang tih-tin tơpă.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

Jo 10:35

Rim wơ̆t Hom Pơgơ̆p năm, na Môis khan thoi âu: Ơ Kră Yang, apinh ih iung yak bĕ, wă kơ lu bơngai ayăt kơ Ih kơdâu tơklah tơklang đĭ; lu đe bu areh kơ Ih gô kơdâu ôn đĭ đơ̆ng anăp Ih!

II Sam 23:12

Mă-lei sư dơ̆ng tŏk-bŏk lăm mir blah pơlôch linh Philistin păng bơwei mir tơh. Kră Yang ăn kơ linh Isơrael kĕ jei jơnei tih.

Horiso 9:20

Ơ Kră Yang, pơm bĕ kơ lu sư hli, Ăn kơ kon bơngai băt, sư jing bơngai hmă đĕch. Sêla

Horiso 31:16

Apinh pơdah muh măt Ih kơ lu đĭch đam Ih. Đơ̆ng tơdrong 'mêm Ih, dŏng pơklaih inh,

Horiso 58:7

Ăn kơ lu sư hiong, thoi đak pơhoch! Dah sư tah 'brơ̆m rĕng, pơm kơ 'brơ̆m noh tŭl.

Horiso 119:94

Inh gah Ih boih, apinh Ih dŏng pơklaih inh; inh chă dôm nơ̆r Ih bơtho tơtă.