Horiso 27:9 - Sơ̆p Hlabơar Nơ̆r 'Bok Kei-Dei

⁹ Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Horiso 27:9 Referans Kwoze

Horiso 69:17

Apinh Ih 'nĕ kơ ôn muh măt Ih kơ inh, Đĭch đam Ih, yua kơ inh oei pơmat-tat; Jah drơ̆ng nơ̆r inh bĕ.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Horiso 102:2

Lăm năr pơmat-tat, apinh 'nĕ ôn muh măt Ih kơ inh. Apinh Ih pơgling đon mơ̆ng nơ̆r inh; Lăm năr inh krao hơpơi, apinh mă kuăng jah tơl tơwih kơ inh.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Horiso 24:5

Bơngai noh gô đei pŭn hiôk đơ̆ng Kră Yang, Păng tơdrong tơpăt đơ̆ng Kră Yang 'Bok Kei-Dei, Tơ'ngla dŏng pơklaih Sư.

Horiso 119:121

Inh pơm boih tơdrong tơpăt păng tơdrong trŏ, 'Nĕ jao inh kơ lu bơngai pơjuă pơđep inh.

Horiso 88:1

Ơ Kră Yang, 'Bok Kei-Dei, Tơ'ngla dŏng pơklaih inh măng năr inh krao ôr 'bơ̆t anăp Ih.

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Horiso 44:24

Yua kơ kiơ Ih ôn muh măt. Hiơt đĭ lu tơdrong pơmat-tat păng đe pơjuă lu nhôn.

Horiso 13:1

Ơ Kră Yang, Ih gô hiơt kơ inh dĭng dang yơ? Wă hiơt hlŏng hloi hă? Dĭng dang yơ Ih ôn muh măt Ih kơ inh?

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Êsai 59:2

Mă-lei 'noh đơ̆ng tơdrong kơnê̆ lu iĕm, pơm pơklah iĕm hăm Kră Yang 'Bok Kei-Dei; păng tơdrong yoch lu iĕm na Kră Yang ôn muh măt sư đơ̆ng lu iĕm, dĭng mah Sư ưh pă mơ̆ng lu iĕm.

Horiso 69:18

Apinh Ih năm jê̆ inh păng huai iŏk bơhngol inh. Apinh dŏng pơklaih inh đơ̆ng lu bơngai ayăt.

Horiso 102:3

Yua kơ khei năr inh oei arih hiong hach thoi 'nhui, Kơting inh ngŭr thoi ŭnh sa ngar.