Horiso 27:5 - Sơ̆p Hlabơar Nơ̆r 'Bok Kei-Dei

⁵ Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.

Horiso 27:5 Referans Kwoze

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Horiso 31:20

Ih ôn lu sư tơ anih hlơp 'bơ̆t anăp Ih. Klaih đơ̆ng lu đe wă pơm kơnê̆, Ih ôn lu sư lăm bơsŭn. Klaih đơ̆ng hơpiĕt lu bơngai blah tơgar.

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Horiso 119:114

Ih boih anih inh kơ'nơp păng khêl pĕng inh; Inh hơmĕng kơ nơ̆r Ih.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 40:2

Sư dui hơtŏk inh đơ̆ng sơlŭng hli krưp. Pơklaih đơ̆ng hlŭt jrŭ, Sư dan jơ̆ng inh kơpal tơmo, Păng pơm ăn kơ rim yak inh kơjăp hơđơ̆ng.

Kôlôsê 3:3

yua kơ bơ̆n nhen lôch boih, bơ̆n dang oei hơdai Yêsu Krist hăm 'Bok Kei-Dei.

Horiso 17:8

Apinh Ih bơwei inh thoi bơwei kon-ngai lăm măt Ih, Apinh krôp inh ala pơnăr Ih Kră Yang.

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Êsai 26:20

Ơ kon pơlei pơla Inh mơ̆t bĕ tơ anih ih păng tang bĕ 'măng gah rŏng ih, ôn bĕ akâu iĕm hơya tŏ sĕt năr, Dĭng truh kơ layơ tơdrong Kră Yang hil hlôi đĭ.

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Horiso 61:2

Đơ̆ng tôch kơ teh đak, inh gô ôr krao Ih, tơdah jơhngơ̆m inh rơdu boih; Apinh Ih chông ba inh 'bơ̆t tơmo kơjung hloh kơ inh.

Horiso 18:33

Sư pơm kơ jơ̆ng inh hơbĕch thoi jơ̆ng juei akăn, Păng hơtŏk dan inh tơ anih kơjung.

Horiso 83:3

Lu sư pơđâu wă blah kon pơlei Ih, Lu sư chă đon wă pơm kơ lu bơngai mă Ih đei bơwei.

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Horiso 10:1

Ơ Kră Yang, yua kơ kiơ Ih dơ̆ng ataih, Kơplah đei tơdrong pơmat-tat liơ Ih ôn akâu?

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

II Ho 22:12

Jôas đe ôn lê̆ sư lăm tơdrâu sơnăm tơ lăm hnam akŭm Kră Yang 'Bok Kei-Dei kơplah yă Athalia pơgơ̆r char noh.

Horiso 31:21

Bơnê ư-ang kơ Kră Yang. Yua kơ tơ lăm pơlei kơjăp Sư. Sư tơ'bôh ăn boih kơ inh tơdrong 'mêm mơnat hlĭch chrơp Sư!

Horiso 40:3

Sư ăn kơ 'bơ̆r inh đei 'bai hơri 'nao, Hơri bơnê kơkuh kơ Kră Yang 'Bok Kei-Dei lu bơ̆n. Lơ bơngai gô 'bôh păng hli, Păng gơnang kơ Kră Yang.

Horiso 61:3

Yua kơ Ih jơ̆ anih inh kơ'nơp; Minh pôm hnam thôt kơjăp, wă blah lu ayăt.