Horiso 27:3 - Sơ̆p Hlabơar Nơ̆r 'Bok Kei-Dei

³ Mă khan khŭl linh wang tăp kơ inh, Jơhngơ̆m inh ưh kơ hli, Mă khan ayăt iung blah inh, jơhngơ̆m inh oei hơđơ̆ng.

Horiso 27:3 Referans Kwoze

Horiso 3:6

Inh ưh kơ hli ôh kơ lơ rơbâu bơngai, Wang tăp dăr puăn pah.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

Philip 1:28

Păng iĕm 'nĕ kơ hli kơ lu bơngai ayăt kơ iĕm. Lu bơngai ayăt băt kơ iĕm ưh kơ hli kơ lu sư, na lu sư băt kơdih bơngai 'Bok Kei-Dei wă phak, băt kơ iĕm bơngai 'Bok Kei-Dei huay kơ hil.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Jop 4:6

Ih hli yom kơ Kră Yang 'Bok Kei-Dei, liơ ih ưh kơ lui kơjăp? Ih arih 'lơ̆ng tơpăt, liơ mă ưh kơ đei hơmĕng?”

Horiso 52:6

Lu bơngai tơpăt gô 'bôh păng hli, Păng hiĕk kơ sư na khan:

II Ho 20:15

Sư khan: “Ơ pơtao Jêhôsaphat, bơngai Juđa đơ̆ng jơ̆p pơlei păng kon pơlei oei lăm pơlei Jêrusalem, mơ̆ng bĕ! Kră Yang khan: ‘Lu iĕm 'nĕ kơ hli, 'nĕ tơrơ kơ lu linh lơ kơdrâ̆m 'nâu, yua kơ tơdrong tơblah 'nâu ưh kơ sĭ kơ lu iĕm ôh, 'nâu kơ Kră Yang 'Bok Kei-Dei.’

I Sam 19:8

Đei tơdrong tơblah dơ̆ng, Đawit năm blah kon pơlei Philistin, pơm blah ăn kơ lu bơngai Philistin thuơ tih tơpă, lu sư kơdâu đi,

Horiso 3:7

Ơ Kră Yang, iung bĕ; Ơ Kră Yang 'Bok Kei-Dei, pơklaih inh bĕ! Yua kơ Kră Yang tap boih tơ'bŏk lu ayăt kơ inh, Păng gơ̆ lê̆ boih hơnĕnh lu bơngai kơnê̆.

Horiso 112:7

Sư ưh kơ hli ôh mă đe roi tơdrong kơnê̆, jơhngơ̆m sư oei hơđơ̆ng, gơnang kơ Kră Yang.