Horiso 27:14 - Sơ̆p Hlabơar Nơ̆r 'Bok Kei-Dei

¹⁴ Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 27:14 Referans Kwoze

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Horiso 31:24

Ơ lu bơngai mă chang gô Kră Yang. Chơ̆n jơhngơ̆m, hơđơ̆ng đon bĕ.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Horiso 130:5

Inh chang gô Kră Yang. Bơhngol inh chang gô Sư; Păng inh gơnang hơmĕng kơ nơ̆r Sư.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Tơdrông Pơđơk 20:22

'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Horiso 33:20

Bơhngol lu nhôn chang gô Kră Yang, Sư boih tơdrong dŏng tơgŭm păng khêl lu nhôn.

Rom 8:25

Yua kơ tơdrong tam mă 'bôh na bơ̆n chang gô khŏm khŏm dĭng 'bôh.

Nhom 3:26

'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Horiso 25:21

Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Bl 49:18

Ơ Kră Yang! Inh chang tơdrong dŏng pơklaih đơ̆ng Ih!

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Horiso 62:1

Bơhngol inh pơdơh hiôk lăm minh Kră Yang 'Bok Kei-Dei đĕch; Tơdrong dŏng pơklaih inh đơ̆ng Sư.

Horiso 40:1

Inh adrin chang gô Kră Yang. Sư pơgling đon mơ̆ng nơ̆r inh krao ôr.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Luka 2:38

Na sư kư̆m năm tơ mĕ 'bă Yêsu mơ̆n. Sư bơnê kơ 'Bok Kei-Dei păng roi lê̆ hơdrol gah tơdrong Yêsu kơ đĭ-đăng lu bơngai mă chang gô 'Bok Kei-Dei pơklaih lu kon pơlei Jêrusalem.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

Horiso 37:7

Oei hreh bĕ 'bơ̆t anăp Kră Yang păng chang gô Sư. 'Nĕ kơ ơh klai yua kơ lu đe đei pŭn hiôk lăm trong lu sư. Dah yua kơ bơngai noh pơm keh lu tơdrong kơnê̆.