Horiso 24:4 - Sơ̆p Hlabơar Nơ̆r 'Bok Kei-Dei

⁴ Noh lu bơngai đei ti rơgoh păng jơhngơ̆m rơgoh, Ưh kơ wă ăn bơhngol sư tơdrong yoch glăi, Kŭm ưh kơ pơkă hơlĕnh.

Horiso 24:4 Referans Kwoze

Mathiơ 5:8

“Pŭn dêh lu bơngai jơhngơ̆m 'lơ̆ng rơgoh, lu sư gô 'bôh 'Bok Kei-Dei.

Horiso 51:10

Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Horiso 73:1

Kră Yang 'Bok Kei-Dei pơm 'lơ̆ng tơpă kơ lu bơngai Isơrael. Lu bơngai mă đei jơhngơ̆m 'lơ̆ng rơgoh.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

I Tim 2:8

Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Horiso 18:20

Kră Yang apah inh boih. Kiơ̆ thoi tơdrong tơpăt inh; sư pơdrâu tơwih kơ inh kiơ̆ thoi đêl ti inh rơgoh.

Horiso 143:8

Pơgê hrôih, apinh Ih ăn kơ inh kơtơ̆ng nơ̆r Ih 'mêm mơnat. Yua kơ inh gơnang kơ Ih. Apinh Ih bơtho ăn kơ inh trong wă yak kiơ̆. Yua kơ inh hơtŏk bơhngol inh tơ Ih.

Horiso 15:4

Sư areh kơ bơngai pơm kơnê̆, Mă-lei sư pơyom kơ lu bơngai mă chu yom kơ Kră Yang; Sư pơkă, ưh kơ đei tơplih ôh, mă khan đei tơdrong răm kơ akâu sư ră;

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Tơdrông Pơđơk 20:9

Bu pơ̆n khan: Inh wei-lăng jơhngơ̆m inh rơgoh, Inh rơgoh pă đei yoch boih?

Horiso 25:1

Ơ Kră Yang, inh pơjao bơhngol inh kơ Ih.

Jop 9:30

Mă khan inh hum hơpĕch hăm 'bŏng, păng ôp ti inh păng tơnuh.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Êsêkiên 18:15

Ưh kơ sa 'nhĕm đe soi tơ kơpal kông, sư ưh kơ lăng tơ rup yang adrĕch Isơrael, ưh kơ pơm kơnê̆ hăm akăn đe,

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Horiso 51:12

Apinh Ih ăn kơ inh tơdrong chơt hiôk kơ tơdrong dŏng pơklaih đơ̆ng Ih. Ăn kơ inh đei jơhngơ̆m 'maih kiơ̆ păng tơgŭm hloi inh đei kơjăp inh oei kơjăp.