Horiso 23:5 - Sơ̆p Hlabơar Nơ̆r 'Bok Kei-Dei

⁵ Kră Yang hơmet ăn kơ inh gơ'bang sŏng sa. 'Bơ̆t anăp lu bơngai ayăt kơ inh; Kră Yang tuh đak rơmă tơ kơ̆l inh, kơchŏk inh 'bĕnh blai.

Horiso 23:5 Referans Kwoze

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 16:5

Kră Yang jơ̆ mŭk inh yua păng kơchŏkb inh nhă: Ih boih wei-lăng chăl arih inh.

Jop 36:16

Kră Yang 'Bok Kei-Dei dui ih lĕch đơ̆ng anih pơmat-tat. Năm tơ anih rơhơi, jơhngơ̆m ưh pă đei hrăt-hrot. Gơ'bang ih 'bĕnh kơ tơmam sa 'băt nham.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

II Kor 1:21

'Bok Kei-Dei boih pơm kơ nhôn hăm iĕm lui kơ Yêsu Krist kơjăp. Kư̆m Sư boih ăn kơ nhôn Yang Bơhngol 'Lơ̆ng wă kơ nhôn hơgei jang tơdrong Sư.

I Kor 10:16

Kơplah năr bơ̆n akŭm krao khan 'blŏk hơdơ̆r gah tơdrong Yêsu, bơ̆n iŏk kơchŏk đak hơmu huch, 'noh dang bơ̆n huch pham Yêsu; păng bơ̆n iŏk phĕ sa 'bĕng mi, 'noh dang bơ̆n iŏk sa akâu Sư.

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Horiso 116:13

Inh gô yơ̆r pơnhan dŏng pơklaih na krao apinh hăm anăn Kră Yang.

Horiso 22:26

Lu bơngai dơnuh hin gô sa phĭ jơnap; Lu bơngai chơchă Kră Yang gô kơkuh bơnê kơ Sư; Ăn kơ jơhngơ̆m ih đei arih ling-lang.

Horiso 78:19

Sư pơma kơnê̆ Kră Yang 'Bok Kei-Dei khan: “Kră Yang 'Bok Kei-Dei hăm gơh ưh hơmet gơ'bang sŏng sa tơ char 'blach?

Luka 7:46

Ih kư̆m ưh kơ pik đak yâu tơ kơ̆l Inh wă pơhiôk Inh ôh, mă-lei sư âu tuh đak pơgang 'bâu phu tơ jơ̆ng Inh.

Am 6:6

Lu iĕm huch sik hăm pơnhan mŏng tih, yua pơgang 'bâu phu kăp jên pik tơ akâu wă kơ 'bâu phu kơdih akâu, ưh pă 'blŏk boih tơdrong truh kơ adrĕch Jôsep!

Horiso 22:29

Đĭ kơ lu bơngai mơdrŏng tih lăm teh đak kư̆m gô sŏng sa păng kơkuh; Đĭ-đăng lu bơngai brŏk tơ 'mui teh, gô drap kơkuh 'bơ̆t anăp Sư Păng dôm lu bơngai mă ưh kơ gơh bơwei tơdrong arih sư,

Mathiơ 6:17

Năr iĕm ơ̆t kơ por iĕm athei 'nhao muh măt kor sŏk mă 'lơ̆ng hơnơ̆ng,

Horiso 92:11

Măt inh 'bôh boih lu ayăt kơ inh hiong răm. Păng đon inh kơtơ̆ng boih lu ayăt kơ inh đĭ rŭng răng nhơ̆m hmoi.